Maðurinn sem hjálpaði Rúnari Alex hjá Nord­sjælland kominn til Arsenal

Mikel Arteta, nýráðinn stjóri Arsenal, hefur staðfest þá sem verða í þjálfarateyminu hjá honum hjá Arsenal.

Arteat var ráðinn stjóri Arsenal í síðustu viku en hann tekur við liðinu af Freddie Ljungberg sem hafði stýrt liðinu eftir að Unai Emery fékk sparkið.

Ljungberg verður áfram aðstoðarþjálfari hjá félaginu en nýr inn sem aðstoðarþjálfari kemur Albert Stuivenberg. Hann hefur unnið m.a. með Louis van Gaal hjá Man. United og er nú aðstoðarþjálfari hjá Wales.

Steve Round kemur tli félagsins en hann hefur áður unnið hjá Everton, Manchester United og Everton sem og að vera yfirmaður knattspyrnumála hjá Aston Villa.

Mikel Arteta has named his core coaching team.

— Arsenal (@Arsenal) December 24, 2019

Inaki Cana Pavon hefur verið ráðinn sem markmannsþjálfari félagsins en hann hefur starfað hjá Brentford. Þar áður starfaði hann hjá Nordsjælland þar sem hann var markmannsþjálfari Rúnars Alex Rúnarsson.

Arsenal mætir Bournemouth á útivelli á morgun og þarf nauðsynlega á þremur stigum að halda til að lyfta sér upp töfluna.