Töluverður tekjusamdráttur hjá stærstu drykkjarvöruframleiðendum landsins vegna Covid-19 Sunna Kristín Hilmarsdóttir skrifar 8. maí 2020 07:00 Kórónuveirufaraldurinn hefur haft áhrif á starfsemi Ölgerðarinnar. Þannig hafi til dæmis númer af nokkrum dreifingarbílum verið lögð inn þars sem ekki hefur verið þörf á þeim í útkeyrslu. Vísir/Vilhelm Kórónuveirufaraldurinn hefur haft umtalsverð á tekjur tveggja stærstu drykkjarvöruframleiðendur landsins, Ölgerðina og Coca-Cola á Íslandi. Bæði fyrirtækin hafa þurft að nýta sér úrræði ríkisstjórnar sem snýr að hlutabótum en hjá Ölgerðinni hafa alls 115 starfsmenn farið á hlutabætur og hjá Coca-Cola 60 starfsmenn þegar mest var. Hvorugt fyrirtækið hefur sagt upp starfsfólki. Í svari Andra Þórs Guðmundssonar, forstjóra Ölgerðarinnar, við fyrirspurn Vísis um áhrif Covid-19 á starfsemi fyrirtækisins segir að gripið hafi verið til margvíslegra hagræðingaraðgerða til að vernda störf. „Ölgerðin sér ekki fram á að þurfa að grípa til uppsagna batni ástandið í þjóðfélaginu á komandi mánuðum. Versni staðan hins vegar næsta haust eða í vetur þarf að endurskoða öll mál hjá Ölgerðinni, rétt eins og hjá öðrum íslenskum fyrirtækjum. Ölgerðin stendur vörð um þau störf sem innlend framleiðsla, innflutningur og þjónusta okkar skapar þeim nokkur hundruð starfsmönnum sem hjá fyrirtækinu eru, enda telur Ölgerðin það grundvallaratriði að vera áfram fyrirtæki sem skapar störf, verðmæti og eflir innlenda framleiðslu,“ segir Andri. Til að vernda störf hjá fyrirtækinu hafi verið ákveðið að taka þátt í hlutabótaleið stjórnvalda en í eins takmörkuðum mæli og mögulegt. Andri Þór Guðmundsson er forstjóri Ölgerðarinnar.Vísir/Vilhelm Hafa lagt inn númer nokkurra dreifingarbíla „Hjá Ölgerðinni eru að jafnaði um 370 stöðugildi en í apríl fækkaði þeim um 60 vegna hlutabótaleiðarinnar. Ölgerðin stefnir að því að fækka þeim sem falla undir þá leið á næstu dögum og vikum, enda eru veitingastaðir margir hverjir að opna aftur eftir lokun,“ segir Andri. 77 starfsmenn fóru í á milli 25% og 50% starfshlutfall og 33 starfsmenn fóru í á milli 60% og 75% starfshlutfall. Aðspurður hvaða áhrif Covid-19 hafi haft á tekjur Ölgerðarinnar segir Andri að þau áhrif séu umtalsverð enda hafi nánast verið skrúfað fyrir alla sölu til veitingahúsa, hótela og Fríhafnar. Þá hafi einnig verið talsverður samdráttur í sölu til bensínstöðva, kvikmyndahúsa og skyndibitastaða. „Það hefur að sjálfsögðu bein áhrif á þau fjölmörgu störf sem slík sala skapar. Má þar nefna afgreiðslu á vörum, útkeyrslu, framleiðslu og svo mætti áfram telja. Þannig hefur Ölgerðin til dæmis lagt inn númer nokkurra dreifingarbíla sinna þar sem ekki hefur verið þörf á þeim til útkeyrslu. Á móti kemur að sala til stórmarkaða og ÁTVR hefur aukist á móti,“ segir Andri. Covid-19 hefur líka haft töluverð áhrif á starfsemi Coca-Cola á Íslandi þar sem tekjusamdrátturinn á sumum sviðum er næstum 100%.Vísir/Vilhelm Þeim sem voru á hlutabótum fækkaði um 20 á milli mánaða Í svari Stefáns Magnússonar, markaðsstjóra Coca-Cola á Íslandi, við sambærilegri fyrirspurn og send var til Ölgerðarinnar segir að markmiðið hjá fyrirtækinu hafi verið að vernda störf. Í stað uppsagna hafi verið gripið til víðtækra hagræðingaraðgerða til að tryggja að svo verði. Hlutabótaúrræði stjórnvalda hafi verið nýtt. „Í apríl fór hluti okkar starfsfólks í skert starfshlutfall til að mæta verulegum tekjusamdrætti í kjölfar faraldurs kórónaveirunnar og var sú ráðstöfun framlengd út maímánuð. Þessi aðgerð snerti um 60 starfsmenn í apríl og 40 starfsmenn í maí sem voru í fullu starfi en fóru í 25-80% starfshlutfalli. Þau störf sem þetta snertir voru störf sem ekki var hægt að sinna vegna aðstæðna í samfélaginu á sama hátt og áður, annað hvort vegna lokana og minna umfangs starfa eða aðlögunar á vinnufyrirkomulagi vegna nauðsynlegra sóttvarna,“ segir Stefán. Þannig hafi þeim sem voru á hlutabótum fækkað um 20 starfsmenn á milli mánaða. Tekjusamdrátturinn nánast 100% Þá segir hann mikinn tekjusamdrátt hafa verið hjá fyrirtækinu samhliða því að veitingamarkaðurinn lokaðist nánast alfarið auk þess sem sala í Fríhöfninni datt alveg út. „Við höfum séð nánast 100% tekjusamdrátt á þeim sviðum í apríl vegna lokana og umtalsverða söluminnkun þvert yfir markaðinn, fyrir utan matvörumarkað og Vínbúðirnar sem héldu sér ágætlega. Við erum einn af birgjum ferðaþjónustunnar þar sem orðið hefur algert hrun og hefur það víðtæk áhrif á tekjur og umfang starfsemi okkar,“ segir Stefán. Mikið af vörum Coca-Cola á Íslandi séu eingöngu seldar á veitingamarkaðnum þar sem algert hrun hefur orðið í sölu. „Sem dæmi má nefna ýmsar áfengar vörur, kaffi og kaffivörur, bjór í kútum, drykki í gleri og vatn í flöskum sem túristar hafa verið að kaupa,“ segir Stefán. Faraldur kórónuveiru (COVID-19) Verslun Veitingastaðir Vinnumarkaður Mest lesið Risinn sem var of stór til að falla er fallinn Viðskipti erlent Vilhjálmur í Smáríkinu ákærður fyrir að selja eina hvítvínsbelju Viðskipti innlent Umframeftirspurn eftir skuldabréfum Play Viðskipti innlent Fótboltastelpan sem fór í verkfræði: „Höfum eiginlega verið saman að eilífu“ Atvinnulíf Rekstrarhagnaðurinn þremur milljónum krónum hærri Viðskipti innlent Þrjú ráðin til Landsbyggðar Viðskipti innlent Gunnar Ágúst til Dineout Viðskipti innlent Ný verslun nærri þúsund fermetrum stærri en sú gamla Neytendur Melabúðarbræður með hálfan milljarð í fyrra Viðskipti innlent Skattakóngurinn flytur úr landi Viðskipti innlent Fleiri fréttir Rekstrarhagnaðurinn þremur milljónum krónum hærri Umframeftirspurn eftir skuldabréfum Play Gunnar Ágúst til Dineout Vilhjálmur í Smáríkinu ákærður fyrir að selja eina hvítvínsbelju Þrjú ráðin til Landsbyggðar Pósturinn hættir að senda til Bandaríkjanna: Geti ekki sett fimmtán prósenta toll á allt Melabúðarbræður með hálfan milljarð í fyrra Framkvæmdastjóri Smáríkisins ákærður Pósturinn hættir að senda til Bandaríkjanna á mánudaginn Samherjahjónin fyrrverandi langtekjuhæst Kannast ekki við „lífróður“ Heimildarinnar sem fækkar útgáfudögum Skattakóngurinn flytur úr landi Setja tvo milljarða til í fiskeldið sem tapar hundruðum milljóna „Framboð á markaði er ekki það sem neytendur vilja kaupa“ Móðurfélag útgefanda Moggans tapaði hundruðum milljóna Segir háa stýrivexti bitna á ákveðnum hópi og boðar aðhald í fjárlagafrumvarpi Keyra á orkudrykkjamarkaðinn Kaupa Gompute „Ég bið almenning að hafa þolinmæði með okkur“ Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Sjá meira
Kórónuveirufaraldurinn hefur haft umtalsverð á tekjur tveggja stærstu drykkjarvöruframleiðendur landsins, Ölgerðina og Coca-Cola á Íslandi. Bæði fyrirtækin hafa þurft að nýta sér úrræði ríkisstjórnar sem snýr að hlutabótum en hjá Ölgerðinni hafa alls 115 starfsmenn farið á hlutabætur og hjá Coca-Cola 60 starfsmenn þegar mest var. Hvorugt fyrirtækið hefur sagt upp starfsfólki. Í svari Andra Þórs Guðmundssonar, forstjóra Ölgerðarinnar, við fyrirspurn Vísis um áhrif Covid-19 á starfsemi fyrirtækisins segir að gripið hafi verið til margvíslegra hagræðingaraðgerða til að vernda störf. „Ölgerðin sér ekki fram á að þurfa að grípa til uppsagna batni ástandið í þjóðfélaginu á komandi mánuðum. Versni staðan hins vegar næsta haust eða í vetur þarf að endurskoða öll mál hjá Ölgerðinni, rétt eins og hjá öðrum íslenskum fyrirtækjum. Ölgerðin stendur vörð um þau störf sem innlend framleiðsla, innflutningur og þjónusta okkar skapar þeim nokkur hundruð starfsmönnum sem hjá fyrirtækinu eru, enda telur Ölgerðin það grundvallaratriði að vera áfram fyrirtæki sem skapar störf, verðmæti og eflir innlenda framleiðslu,“ segir Andri. Til að vernda störf hjá fyrirtækinu hafi verið ákveðið að taka þátt í hlutabótaleið stjórnvalda en í eins takmörkuðum mæli og mögulegt. Andri Þór Guðmundsson er forstjóri Ölgerðarinnar.Vísir/Vilhelm Hafa lagt inn númer nokkurra dreifingarbíla „Hjá Ölgerðinni eru að jafnaði um 370 stöðugildi en í apríl fækkaði þeim um 60 vegna hlutabótaleiðarinnar. Ölgerðin stefnir að því að fækka þeim sem falla undir þá leið á næstu dögum og vikum, enda eru veitingastaðir margir hverjir að opna aftur eftir lokun,“ segir Andri. 77 starfsmenn fóru í á milli 25% og 50% starfshlutfall og 33 starfsmenn fóru í á milli 60% og 75% starfshlutfall. Aðspurður hvaða áhrif Covid-19 hafi haft á tekjur Ölgerðarinnar segir Andri að þau áhrif séu umtalsverð enda hafi nánast verið skrúfað fyrir alla sölu til veitingahúsa, hótela og Fríhafnar. Þá hafi einnig verið talsverður samdráttur í sölu til bensínstöðva, kvikmyndahúsa og skyndibitastaða. „Það hefur að sjálfsögðu bein áhrif á þau fjölmörgu störf sem slík sala skapar. Má þar nefna afgreiðslu á vörum, útkeyrslu, framleiðslu og svo mætti áfram telja. Þannig hefur Ölgerðin til dæmis lagt inn númer nokkurra dreifingarbíla sinna þar sem ekki hefur verið þörf á þeim til útkeyrslu. Á móti kemur að sala til stórmarkaða og ÁTVR hefur aukist á móti,“ segir Andri. Covid-19 hefur líka haft töluverð áhrif á starfsemi Coca-Cola á Íslandi þar sem tekjusamdrátturinn á sumum sviðum er næstum 100%.Vísir/Vilhelm Þeim sem voru á hlutabótum fækkaði um 20 á milli mánaða Í svari Stefáns Magnússonar, markaðsstjóra Coca-Cola á Íslandi, við sambærilegri fyrirspurn og send var til Ölgerðarinnar segir að markmiðið hjá fyrirtækinu hafi verið að vernda störf. Í stað uppsagna hafi verið gripið til víðtækra hagræðingaraðgerða til að tryggja að svo verði. Hlutabótaúrræði stjórnvalda hafi verið nýtt. „Í apríl fór hluti okkar starfsfólks í skert starfshlutfall til að mæta verulegum tekjusamdrætti í kjölfar faraldurs kórónaveirunnar og var sú ráðstöfun framlengd út maímánuð. Þessi aðgerð snerti um 60 starfsmenn í apríl og 40 starfsmenn í maí sem voru í fullu starfi en fóru í 25-80% starfshlutfalli. Þau störf sem þetta snertir voru störf sem ekki var hægt að sinna vegna aðstæðna í samfélaginu á sama hátt og áður, annað hvort vegna lokana og minna umfangs starfa eða aðlögunar á vinnufyrirkomulagi vegna nauðsynlegra sóttvarna,“ segir Stefán. Þannig hafi þeim sem voru á hlutabótum fækkað um 20 starfsmenn á milli mánaða. Tekjusamdrátturinn nánast 100% Þá segir hann mikinn tekjusamdrátt hafa verið hjá fyrirtækinu samhliða því að veitingamarkaðurinn lokaðist nánast alfarið auk þess sem sala í Fríhöfninni datt alveg út. „Við höfum séð nánast 100% tekjusamdrátt á þeim sviðum í apríl vegna lokana og umtalsverða söluminnkun þvert yfir markaðinn, fyrir utan matvörumarkað og Vínbúðirnar sem héldu sér ágætlega. Við erum einn af birgjum ferðaþjónustunnar þar sem orðið hefur algert hrun og hefur það víðtæk áhrif á tekjur og umfang starfsemi okkar,“ segir Stefán. Mikið af vörum Coca-Cola á Íslandi séu eingöngu seldar á veitingamarkaðnum þar sem algert hrun hefur orðið í sölu. „Sem dæmi má nefna ýmsar áfengar vörur, kaffi og kaffivörur, bjór í kútum, drykki í gleri og vatn í flöskum sem túristar hafa verið að kaupa,“ segir Stefán.
Faraldur kórónuveiru (COVID-19) Verslun Veitingastaðir Vinnumarkaður Mest lesið Risinn sem var of stór til að falla er fallinn Viðskipti erlent Vilhjálmur í Smáríkinu ákærður fyrir að selja eina hvítvínsbelju Viðskipti innlent Umframeftirspurn eftir skuldabréfum Play Viðskipti innlent Fótboltastelpan sem fór í verkfræði: „Höfum eiginlega verið saman að eilífu“ Atvinnulíf Rekstrarhagnaðurinn þremur milljónum krónum hærri Viðskipti innlent Þrjú ráðin til Landsbyggðar Viðskipti innlent Gunnar Ágúst til Dineout Viðskipti innlent Ný verslun nærri þúsund fermetrum stærri en sú gamla Neytendur Melabúðarbræður með hálfan milljarð í fyrra Viðskipti innlent Skattakóngurinn flytur úr landi Viðskipti innlent Fleiri fréttir Rekstrarhagnaðurinn þremur milljónum krónum hærri Umframeftirspurn eftir skuldabréfum Play Gunnar Ágúst til Dineout Vilhjálmur í Smáríkinu ákærður fyrir að selja eina hvítvínsbelju Þrjú ráðin til Landsbyggðar Pósturinn hættir að senda til Bandaríkjanna: Geti ekki sett fimmtán prósenta toll á allt Melabúðarbræður með hálfan milljarð í fyrra Framkvæmdastjóri Smáríkisins ákærður Pósturinn hættir að senda til Bandaríkjanna á mánudaginn Samherjahjónin fyrrverandi langtekjuhæst Kannast ekki við „lífróður“ Heimildarinnar sem fækkar útgáfudögum Skattakóngurinn flytur úr landi Setja tvo milljarða til í fiskeldið sem tapar hundruðum milljóna „Framboð á markaði er ekki það sem neytendur vilja kaupa“ Móðurfélag útgefanda Moggans tapaði hundruðum milljóna Segir háa stýrivexti bitna á ákveðnum hópi og boðar aðhald í fjárlagafrumvarpi Keyra á orkudrykkjamarkaðinn Kaupa Gompute „Ég bið almenning að hafa þolinmæði með okkur“ Ósáttir með ákvörðun peningastefnunefndar Muni ekki hika við að hækka vexti Sektað fyrir að auglýsa of mikið fyrir Áramótaskaupið Kristján og Leó kaupa fyrrverandi höfuðstöðvar Landsvirkjunar Endurbættur Kaffivagn opnar aftur í dag Gleðiefni að fjármálaráðherri tali um aðhald í ríkisfjármálum Bein útsending: Rökstyðja stýrivaxtaákvörðunina Seðlabankinn heldur stýrivöxtunum óbreyttum Ráðin til Fossa fjárfestingarbanka Birta nýja ákvörðun um stýrivexti í dag Hvað þurfum við að eiga mikið til að geta hætt að vinna? Sjá meira