Eliza búin að kjósa

Eliza Reid, forsetafrú Íslands, er búin að kjósa í forsetakosningum næstu helgar. Hún greiddi utankjörfundaratkvæði í Smáralind í morgun. 

Guðni Th. Jóhannesson, eiginmaður hennar, er aftur í framboði auk Guðmundar Franklín Jónssonar.

Bergþóra Sigmundsdóttir, kjörstjóri hjá Sýslumanninum á höfuðborgarsvæðinu, segir að um klukkan 10 í morgun hafi rúmlega 24 þúsund manns kosið utan kjörfundar á landsvísu, sem er umtalsvert fleiri en í aðdraganda síðustu forsetakosninga 2016. 

Á höfuðborgarsvæðinu hafa nú rúmlega 19 þúsund manns greitt atkvæði utan kjörfundar.