,,Mér finnst þessi stelpa ekta senter“

Bryndís Arna Níelsdóttir, framherji Fylkis í Pepsi Max deildinni, hefur byrjað tímabilið vel og er komin með þrjú mörk í fyrstu þremur leikjum mótsins. Hún er fædd árið 2003 og því einungis 17 ára.

,,Ég fagna því að það sé kominn svona ,,senter‘‘. Ég var eitthvað að þykjast þjálfa um daginn og þá var sagt við mig að það vilji allir vera í holunni. Það vill enginn spila senter í dag, ég var alveg agndofa yfir þessu en mér finnst þessi stelpa ekta senter,‘‘ sagði Margrét Lára Viðarsdóttir um Bryndísi Örnu.

,,Hún vill alltaf skora, reynir alltaf að leita að markinu, þannig ég sé mikla framtíð í þessari stelpu,‘‘ hélt Margrét áfram.

Alla umræðuna má sjá í spilaranum fyrir ofan.