Almannavarnadeild ríkislögreglustjóra og embætti landlæknis boðuðu til upplýsingafundar vegna kórónuveirunnar fyrir fjölmiðla klukkan 14 í dag í húsakynnum landlæknisembættisins í Katrínartúni.
Þórólfur Guðnason sóttvarnalæknir og Páll Matthíasson forstjóri Landspítala fóru yfir stöðu mála varðandi opnun landamæra, sýnatöku og framgang kórónuveirufaraldursins hér á landi ásamt Víði Reynissyni, yfirlögregluþjóni.
Sýnt var beint frá fundinum og má nálgast upptöku af fundinum í heild í spilaranum hér að ofan. Þá má nálgast beina textalýsingu af fundinum hér fyrir neðan.
