Ras­h­ford og Marti­al þurfa ekki að glíma við Ragnar í kvöld

Ragnar Sigurðsson er ekki í leikmannahópi FCK sem mætir enska stórliðinu Manchester United í átta liða úrslitum Evrópudeildarinnar.

Leikurinn fer fram í Köln í kvöld en Evrópudeildin klárast í Þýskalandi á meðan Meistaradeildin klárast í Portúgal.

Ståle Solbakken, þjálfari FCK, tók 21 leikmann með sér til Þýskalands í gær en íslenski landsliðsmaðurinn Ragnar Sigurðsson var ekki þar á meðal.

Ragnar glímir enn við meiðsli, sem héldu honum einnig frá leiknum gegn Istanbul Basaksehir í síðustu viku, en hann framlengdi á dögunum samning sinn við FCK til eins árs.

Leikur FCK og Man. United verður sýndur í beinni útsendingu á Stöð 2 Sport í kvöld klukkan 19.