Þetta fellur niður eða raskast vegna óveðursins Kristín Ólafsdóttir skrifar 13. febrúar 2020 22:52 Hagkaup hefur auglýst breyttan opnunartíma verslana sinna á morgun vegna óveðursins. Gert er ráð fyrir að flestar þeirra opni um hádegisbil á morgun. Vísir/Rakel Þjónusta verður víða skert á suðvesturhluta landsins á morgun vegna aftakaveðurs. Veðurviðvaranir taka þegar gildi í nótt og mun veðrið ná hámarki í fyrramálið. Hér að neðan má nálgast lista yfir þjónustu sem skerðist eða liggur niðri vegna óveðursins. Rauðar viðvaranir eru í gildi á fjórum landsvæðum á morgun; höfuðborgarsvæðinu, Faxaflóa, Suðurlandi og Suðausturlandi. Á rauðu svæðunum verður um að ræða austan ofsaveður, rok eða jafnvel fárviðri. Fólk er víðast hvar hvatt til að halda sig heima, hafi það tök á. Skólahald og félagsþjónusta Reglulegt skólahald fellur niður á öllu höfuðborgarsvæðinu á morgun en leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda – það er fólk sem sinnir neyðarþjónustu, löggæslu, slökkvistörfum og björgunarsveitarútköllum. Frístundaheimili opna þegar viðvörunum lýkur klukkan 15 en þá fellur appelsínugul viðvörun úr gildi á höfuðborgarsvæðinu eins og staðan er núna. Þá verða sumar bæjarskrifstofur lokaðar en símsvörum þó sinnt. Sundlaugar á höfuðborgarsvæðinu verða lokaðar til klukkan 15. Söfn á höfuðborgarsvæðinu verða lokuð nema annað verði tilkynnt. Borgarbókasafnið, Landnámssýningin og Ljósmyndasafn Reykjavíkur verða þó opnuð klukkan 15 ef veður leyfir. Þjónustumiðstöðvar í Reykjavík verða lokaðar til klukkan 15 og skerðing verður á þjónustu til heimahjúkrunar en neyðartilvikum sinnt eftir föngum. Ferðaþjónusta fatlaðra fellur niður fram að hádegi. Allt skólahald í leikskólum og grunnskólum í Borgarbyggð, Sveitarfélagsins Árborgar og Grindavík fellur niður á morgun. Ekki er talið líklegt að veður trufli skólahaldi á Akureyri á morgun, þrátt fyrir að þar verði appelsínugul viðvörun í gildi. Nánari upplýsingar er að finna á heimasíðum viðkomandi bæjarfélaga. Kennsla fellur niður í Háskóla Íslands á morgun.Vísir/Vilhelm Þá fellur kennsla niður í báðum háskólum höfuðborgarsvæðisins, Háskóla Reykjavíkur og Háskóla Íslands, á morgun. Kennsla fellur einnig niður í framhaldsskólum í höfuðborginni. Tilkynningar þess efnis hafa til að mynda verið birtar á heimasíðum Menntaskólans í Reykjavík, Kvennaskólans í Reykjavík, Fjölbrautaskólanum í Breiðholti, Fjölbrautaskólanum í Ármúla, Framhaldsskólanum í Mosfellsbæ og Verzlunarskóla Íslands. Nemendur eru víðast hvar hvattir til að nýta tímann vel og fylgjast með tilkynningum á námsnetum skólanna. Samgöngur Öllum akstri hjá Strætó á höfuðborgarsvæðinu verður aflýst í fyrramálið. Búast má við frekari upplýsingum milli kl. 10 og 11 á morgun. Hér má svo nálgast uppfærða töflu Vegagerðarinnar yfir þá sem lokað verður á morgun vegna óveðursins. Öllu innanlandsflugi hefur jafnframt verið aflýst á morgun. Þá hefur Icelandair aflýst 22 flugferðum til og frá Evrópu. Heilbrigðisþjónusta Allar bókaðar móttökur á starfsstöðvum Heilsugæslu höfuðborgarsvæðisins falla niður í fyrramálið. Heilsugæslustöðvar verða opnar á þessum tíma með lágmarksmönnum sem sinnir bráðavandamálum. Reynt verður að ná í þá sem eiga bókaða tíma og finna nýjan tíma eins fljótt og hægt er. Pósturinn Á morgun verður engin starfsemi hjá Póstinum á þeim svæðum þar sem rauð veðurviðvörun er í gildi. Á öðrum svæðum þar sem appelsínugul viðvörun er í gildi verða aðstæður metnar í fyrramálið. Búast má við röskun á þjónustu um allt land á morgun. Ef veður og aðstæður batna til muna verður brugðist við því á viðeigandi hátt. Kringlan er lokuð til hádegis á morgun.Vísir/vilhelm Verslun og önnur þjónusta Lokað verður í Kringlunni til klukkan 12 á hádegi. Vandlega verður fylgst með þróun veðurs og verður tilkynnt á heimasíðu Kringlunnar ef breyting verður frá áætlaðri opnun. Skrifstofur VR verða lokaðar á morgun. Þá verður skert starfsemi hjá Skeljungi á morgun. Engin dreifing verður á eldsneyti og verður skrifstofa Skeljungs lokuð þar til veður hefur gengið yfir. Sjálfsafgreiðslustöðvar Orkunnar verða opnar en Skeljungur hvetur landsmenn að fylgja ráðum almannavarna og Veðurstofu í hverjum landshluta. Þá hefur Hagkaup auglýst breyttan opnunartíma verslana sinna á morgun vegna óveðursins. Hagkaup í Skeifu og Garðabæ loka klukkan fjögur í nótt og opna aftur þegar veður leyfir, líklegast um hádegisbil á morgun. Í Spöng, á Eiðistorgi og á Akureyri verður opið til miðnættis líkt og venjulega. Verslanirnar opna aftur um hádegisbil á morgun. Verslanir í Kringlu, Smàralind, Selfossi og Njarðvík opna á hádegi nema veður komi í veg fyrir það. Framkvæmdastjóri Krónunnar sagði í samtali við Vísi í kvöld að staðan yrði tekin snemma í fyrramálið og metið hvort verslanir Krónunnar yrðu opnaðar á venjulegum opnunartíma eða jafnvel eftir hádegi. Fylgjast má með nýjustu tíðindum af veðrinu í veðurvakt Vísis hér. Veður Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Þjónusta verður víða skert á suðvesturhluta landsins á morgun vegna aftakaveðurs. Veðurviðvaranir taka þegar gildi í nótt og mun veðrið ná hámarki í fyrramálið. Hér að neðan má nálgast lista yfir þjónustu sem skerðist eða liggur niðri vegna óveðursins. Rauðar viðvaranir eru í gildi á fjórum landsvæðum á morgun; höfuðborgarsvæðinu, Faxaflóa, Suðurlandi og Suðausturlandi. Á rauðu svæðunum verður um að ræða austan ofsaveður, rok eða jafnvel fárviðri. Fólk er víðast hvar hvatt til að halda sig heima, hafi það tök á. Skólahald og félagsþjónusta Reglulegt skólahald fellur niður á öllu höfuðborgarsvæðinu á morgun en leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda – það er fólk sem sinnir neyðarþjónustu, löggæslu, slökkvistörfum og björgunarsveitarútköllum. Frístundaheimili opna þegar viðvörunum lýkur klukkan 15 en þá fellur appelsínugul viðvörun úr gildi á höfuðborgarsvæðinu eins og staðan er núna. Þá verða sumar bæjarskrifstofur lokaðar en símsvörum þó sinnt. Sundlaugar á höfuðborgarsvæðinu verða lokaðar til klukkan 15. Söfn á höfuðborgarsvæðinu verða lokuð nema annað verði tilkynnt. Borgarbókasafnið, Landnámssýningin og Ljósmyndasafn Reykjavíkur verða þó opnuð klukkan 15 ef veður leyfir. Þjónustumiðstöðvar í Reykjavík verða lokaðar til klukkan 15 og skerðing verður á þjónustu til heimahjúkrunar en neyðartilvikum sinnt eftir föngum. Ferðaþjónusta fatlaðra fellur niður fram að hádegi. Allt skólahald í leikskólum og grunnskólum í Borgarbyggð, Sveitarfélagsins Árborgar og Grindavík fellur niður á morgun. Ekki er talið líklegt að veður trufli skólahaldi á Akureyri á morgun, þrátt fyrir að þar verði appelsínugul viðvörun í gildi. Nánari upplýsingar er að finna á heimasíðum viðkomandi bæjarfélaga. Kennsla fellur niður í Háskóla Íslands á morgun.Vísir/Vilhelm Þá fellur kennsla niður í báðum háskólum höfuðborgarsvæðisins, Háskóla Reykjavíkur og Háskóla Íslands, á morgun. Kennsla fellur einnig niður í framhaldsskólum í höfuðborginni. Tilkynningar þess efnis hafa til að mynda verið birtar á heimasíðum Menntaskólans í Reykjavík, Kvennaskólans í Reykjavík, Fjölbrautaskólanum í Breiðholti, Fjölbrautaskólanum í Ármúla, Framhaldsskólanum í Mosfellsbæ og Verzlunarskóla Íslands. Nemendur eru víðast hvar hvattir til að nýta tímann vel og fylgjast með tilkynningum á námsnetum skólanna. Samgöngur Öllum akstri hjá Strætó á höfuðborgarsvæðinu verður aflýst í fyrramálið. Búast má við frekari upplýsingum milli kl. 10 og 11 á morgun. Hér má svo nálgast uppfærða töflu Vegagerðarinnar yfir þá sem lokað verður á morgun vegna óveðursins. Öllu innanlandsflugi hefur jafnframt verið aflýst á morgun. Þá hefur Icelandair aflýst 22 flugferðum til og frá Evrópu. Heilbrigðisþjónusta Allar bókaðar móttökur á starfsstöðvum Heilsugæslu höfuðborgarsvæðisins falla niður í fyrramálið. Heilsugæslustöðvar verða opnar á þessum tíma með lágmarksmönnum sem sinnir bráðavandamálum. Reynt verður að ná í þá sem eiga bókaða tíma og finna nýjan tíma eins fljótt og hægt er. Pósturinn Á morgun verður engin starfsemi hjá Póstinum á þeim svæðum þar sem rauð veðurviðvörun er í gildi. Á öðrum svæðum þar sem appelsínugul viðvörun er í gildi verða aðstæður metnar í fyrramálið. Búast má við röskun á þjónustu um allt land á morgun. Ef veður og aðstæður batna til muna verður brugðist við því á viðeigandi hátt. Kringlan er lokuð til hádegis á morgun.Vísir/vilhelm Verslun og önnur þjónusta Lokað verður í Kringlunni til klukkan 12 á hádegi. Vandlega verður fylgst með þróun veðurs og verður tilkynnt á heimasíðu Kringlunnar ef breyting verður frá áætlaðri opnun. Skrifstofur VR verða lokaðar á morgun. Þá verður skert starfsemi hjá Skeljungi á morgun. Engin dreifing verður á eldsneyti og verður skrifstofa Skeljungs lokuð þar til veður hefur gengið yfir. Sjálfsafgreiðslustöðvar Orkunnar verða opnar en Skeljungur hvetur landsmenn að fylgja ráðum almannavarna og Veðurstofu í hverjum landshluta. Þá hefur Hagkaup auglýst breyttan opnunartíma verslana sinna á morgun vegna óveðursins. Hagkaup í Skeifu og Garðabæ loka klukkan fjögur í nótt og opna aftur þegar veður leyfir, líklegast um hádegisbil á morgun. Í Spöng, á Eiðistorgi og á Akureyri verður opið til miðnættis líkt og venjulega. Verslanirnar opna aftur um hádegisbil á morgun. Verslanir í Kringlu, Smàralind, Selfossi og Njarðvík opna á hádegi nema veður komi í veg fyrir það. Framkvæmdastjóri Krónunnar sagði í samtali við Vísi í kvöld að staðan yrði tekin snemma í fyrramálið og metið hvort verslanir Krónunnar yrðu opnaðar á venjulegum opnunartíma eða jafnvel eftir hádegi. Fylgjast má með nýjustu tíðindum af veðrinu í veðurvakt Vísis hér.
Veður Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda