Guðjón og Ingibjörg selja fallega blokkaríbúð í Kópavogi

Knattspyrnuþjálfarinn Guðjón Þórðarson og Ingibjörg Guðmundsdóttir hafa sett fallega íbúð í Kópavogi á sölu.

Eignin er í fjölbýlishúsi í Lundi og er eignin 120 fermetrar að stærð. Húsið var byggt árið 2015 og því allt mjög nýlegt.

Fasteignamat íbúðarinnar er 66,6 milljónir en ásett verð er 76,9 milljónir.

Alls eru tvö svefnherbergi og eitt baðherbergi inni í íbúðinni. Þar má einnig finna yfirbyggðar svalir sem ættu að nýtast vel, sérstaklega hér á Íslandi.

Guðjón Þórðarson er einn reyndasti knattspyrnuþjálfari landsins og hefur hann meðal annars þjálfað ÍA, KA, íslenska landsliðið, Stoke, KR, Start, Barnsley og fleiri lið. Hann tók við Víkingi frá Ólafsvík á miðju tímabili í sumar.