Þrír leikir í 32 liða úrslitum

Það verða aðeins þrír leikir í 32 liða úrslitum Coca Cola bikars karla í handbolta en þar af eru tveir stórleikir.

Nítján lið eru skráð til keppni í bikarnum og því fara fram þrjár viðureignir í 32 liða úrslitum, svo að sextán lið standi eftir.

Dregið var í dag og komu fjögur úrvalsdeildarlið upp úr skálinni, í höfuðstöðvum HSÍ. Þór og KA mætast í Akureyrarslag, og Haukar taka á móti ríkjandi Íslandsmeisturum Selfoss.

32 liða úrslitin:

ÍBV 2 - Vængir Júpíters

Þór Ak. - KA

Haukar - Selfoss

Leikirnir fara fram 6. - 7. október.