Fatnaður í fjarvinnu: Kósý eða „casual“? Rakel Sveinsdóttir skrifar 6. nóvember 2020 07:00 Í fjarvinnunni hafa margir valið þá leið að huga betur að fatnaði að ofan á meðan klæðnaður neðri hluta líkamans getur verið alls konar. Vísir/Getty Það getur verið freistandi að sitja bara í fjarvinnu í jogging eða jafnvel náttbuxum. Engin ástæða lengur til að taka sig til fyrir vinnuna, sem flestir jú gera samt almennt. Enda skiptir það svo sem engu máli fyrir vinnuna hvernig hver og einn er klæddur, svo lengi sem verkefnin eru unnin. Það getur hins vegar haft áhrif á líðan og afköst fólks, hvernig það er klætt í fjarvinnu. Skoðum málin. Kostirnir við kósýfötin Í umfjöllun Today segja álitsgjafar úr bæði háskólasamfélaginu og tískuheiminum að kostirnir við að klæðast kósýfötum í fjarvinnu séu ýmsir. Sem dæmi má nefna: Við erum afslöppuð Við erum ekki í stuði til að klæða okkur upp Það fer enginn tími í að hafa sig til Fyrir fjarfundi er nóg að vera snyrtilega klæddur „að ofan“ Að multitaska heimilisverk og fjarvinnu getur verið þægilegra í kósýfötum Millivegurinn: Kósý og „casual“ En sumum líður ekkert of vel að vera alltaf hálf óklæddir eða ótilhafðir frá morgni til kvölds. Þá gæti verið leið að fara milliveginn. Dæmi: Þægilegar buxur, sokkar og skór en efri hlutinn klæddur upp í betri fatnað. Konur nota eyrnalokka eða lágmarks förðun. Karlar sleppa bindi en fara kannski í skyrtu eða góða peysu. Hárið er vel greitt og snyrtilegt. Með því að fara þennan milliveg líður fólki oft eins og það sé í rauninni vel tilhaft fyrir vinnuna, fjarfundi eða önnur samskipti yfir daginn, þótt það sé munur á klæðnaðinum í samanburði við þegar mætt er á vinnustaðinn. Fataval til að hressa okkur við Í fjarvinnu er mælt með því að fólki byggi upp rútínu sem það haldi sig síðan við. Það sama á við um klæðnað. Dagsformið okkar getur verið mismunandi en eitt af því sem við höfum lært á fjarvinnu er að við þurfum að hafa meira fyrir því að hressa okkur við því félagslega tengingin er ekki lengur til staðar eins og á vinnustöðum. Klæðnaður getur hjálpað í þessu því samkvæmt sérfræðingum hressir það okkur við að klæða okkur aðeins upp. Þannig að þótt dagsformið okkar kalli á að vera bara í kósýfötunum eða ótilhöfð yfir daginn, en við söknum félagslegu samskiptanna, er um að gera að lyfta lundinni svolítið upp með því að hafa sig aðeins meira til. Þar er meira að segja hægt að gera alls kyns tilraunir. Horfa á úrvalið í fataskápnum og prófa nýjar samsetningar. Ákveða hvaða fatnað þú lítur á sem vinnufatnað í fjarvinnu og hvaða flíkur ekki. Þá getur það hjálpað okkur að aðskilja vinnu og einkalíf að klæðast vinnufatnaði á daginn en í lok vinnudags skiptum við aftur í kósýfatnað. Litaval hefur áhrif Þá er það staðreynd að mismunandi litir hafa mismunandi áhrif á okkur. Litir geta því verið liður í að lyfta okkur aðeins upp og þó ekkert endilega að það sé eitthvað mikið. Litur í einhverjum aukahlut fyrir hár, belti eða bolur í lit geta gert sitt. Smá varalitur eða gloss getur gert sitt hjá konum. Til að auka á afköst hafa rannsóknir líka sýnt að eftirfarandi litir efla okkur: Appelsínugulur, rauður, gulur, vínrauður. Litir sem hjálpa okkur að slappa af eða draga úr stressi eru til dæmis blár og blágrænn. Fjarvinna Faraldur kórónuveiru (COVID-19) Góðu ráðin Tengdar fréttir Allir að vinna í joggingbuxum? Fjarvinna í fatalufsum Eflaust hefur fátt haft jafn mikil áhrif á fatastíl landsmanna þessa dagana og fjarvinnan að heiman síðustu daga. 24. mars 2020 07:00 Mest lesið Uppsagnir hjá ÁTVR Viðskipti innlent Alþjóðlegur risi leysir Wok on af hólmi Viðskipti innlent Ekkert áfengi á sunnudögum og seint á kvöldin Viðskipti innlent Úr kirkjunni í brúna hjá Herjólfi Viðskipti innlent Stofna félag utan um Origo og þrettán önnur rekstrarfélög Viðskipti innlent Eina bakaríi bæjarins skellt fyrirvaralaust í lás Viðskipti innlent 1,5 milljarða gjaldþrot og Landsbankinn fékk varla krónu Viðskipti innlent Ragnheiður Theodórs ein af fimm til PLAIO Viðskipti innlent Spennandi tækifæri í Mosfellsbæ Samstarf Gengið frá sölu á hluta Endor Viðskipti innlent Fleiri fréttir „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira
Það getur verið freistandi að sitja bara í fjarvinnu í jogging eða jafnvel náttbuxum. Engin ástæða lengur til að taka sig til fyrir vinnuna, sem flestir jú gera samt almennt. Enda skiptir það svo sem engu máli fyrir vinnuna hvernig hver og einn er klæddur, svo lengi sem verkefnin eru unnin. Það getur hins vegar haft áhrif á líðan og afköst fólks, hvernig það er klætt í fjarvinnu. Skoðum málin. Kostirnir við kósýfötin Í umfjöllun Today segja álitsgjafar úr bæði háskólasamfélaginu og tískuheiminum að kostirnir við að klæðast kósýfötum í fjarvinnu séu ýmsir. Sem dæmi má nefna: Við erum afslöppuð Við erum ekki í stuði til að klæða okkur upp Það fer enginn tími í að hafa sig til Fyrir fjarfundi er nóg að vera snyrtilega klæddur „að ofan“ Að multitaska heimilisverk og fjarvinnu getur verið þægilegra í kósýfötum Millivegurinn: Kósý og „casual“ En sumum líður ekkert of vel að vera alltaf hálf óklæddir eða ótilhafðir frá morgni til kvölds. Þá gæti verið leið að fara milliveginn. Dæmi: Þægilegar buxur, sokkar og skór en efri hlutinn klæddur upp í betri fatnað. Konur nota eyrnalokka eða lágmarks förðun. Karlar sleppa bindi en fara kannski í skyrtu eða góða peysu. Hárið er vel greitt og snyrtilegt. Með því að fara þennan milliveg líður fólki oft eins og það sé í rauninni vel tilhaft fyrir vinnuna, fjarfundi eða önnur samskipti yfir daginn, þótt það sé munur á klæðnaðinum í samanburði við þegar mætt er á vinnustaðinn. Fataval til að hressa okkur við Í fjarvinnu er mælt með því að fólki byggi upp rútínu sem það haldi sig síðan við. Það sama á við um klæðnað. Dagsformið okkar getur verið mismunandi en eitt af því sem við höfum lært á fjarvinnu er að við þurfum að hafa meira fyrir því að hressa okkur við því félagslega tengingin er ekki lengur til staðar eins og á vinnustöðum. Klæðnaður getur hjálpað í þessu því samkvæmt sérfræðingum hressir það okkur við að klæða okkur aðeins upp. Þannig að þótt dagsformið okkar kalli á að vera bara í kósýfötunum eða ótilhöfð yfir daginn, en við söknum félagslegu samskiptanna, er um að gera að lyfta lundinni svolítið upp með því að hafa sig aðeins meira til. Þar er meira að segja hægt að gera alls kyns tilraunir. Horfa á úrvalið í fataskápnum og prófa nýjar samsetningar. Ákveða hvaða fatnað þú lítur á sem vinnufatnað í fjarvinnu og hvaða flíkur ekki. Þá getur það hjálpað okkur að aðskilja vinnu og einkalíf að klæðast vinnufatnaði á daginn en í lok vinnudags skiptum við aftur í kósýfatnað. Litaval hefur áhrif Þá er það staðreynd að mismunandi litir hafa mismunandi áhrif á okkur. Litir geta því verið liður í að lyfta okkur aðeins upp og þó ekkert endilega að það sé eitthvað mikið. Litur í einhverjum aukahlut fyrir hár, belti eða bolur í lit geta gert sitt. Smá varalitur eða gloss getur gert sitt hjá konum. Til að auka á afköst hafa rannsóknir líka sýnt að eftirfarandi litir efla okkur: Appelsínugulur, rauður, gulur, vínrauður. Litir sem hjálpa okkur að slappa af eða draga úr stressi eru til dæmis blár og blágrænn.
Fjarvinna Faraldur kórónuveiru (COVID-19) Góðu ráðin Tengdar fréttir Allir að vinna í joggingbuxum? Fjarvinna í fatalufsum Eflaust hefur fátt haft jafn mikil áhrif á fatastíl landsmanna þessa dagana og fjarvinnan að heiman síðustu daga. 24. mars 2020 07:00 Mest lesið Uppsagnir hjá ÁTVR Viðskipti innlent Alþjóðlegur risi leysir Wok on af hólmi Viðskipti innlent Ekkert áfengi á sunnudögum og seint á kvöldin Viðskipti innlent Úr kirkjunni í brúna hjá Herjólfi Viðskipti innlent Stofna félag utan um Origo og þrettán önnur rekstrarfélög Viðskipti innlent Eina bakaríi bæjarins skellt fyrirvaralaust í lás Viðskipti innlent 1,5 milljarða gjaldþrot og Landsbankinn fékk varla krónu Viðskipti innlent Ragnheiður Theodórs ein af fimm til PLAIO Viðskipti innlent Spennandi tækifæri í Mosfellsbæ Samstarf Gengið frá sölu á hluta Endor Viðskipti innlent Fleiri fréttir „Það segir sig sjálft að við höfum endalausa orku“ Horfðu á hallærislegt sjónvarpsefni og úðuðu í sig bragðaref Að hætta að vera vandræðaleg í nýrri vinnu „Myndi alveg segja að hjartað í mér hafi verið í buxunum“ „Fjárfestar eru bara venjulegt fólk“ Gervigreind og tíska: Hafa nú þegar fengið 100 milljónir í styrki „Við eigum margar rómantískar stundir í vinnunni“ Langaði svakalega mikið í sleik við George Clooney Atvinnumissir: „Ég kunni nú ekki við að spyrja Jón beint“ Nýtt trend: Engir yfirmenn á vinnustaðnum Fótboltastelpan um starfsframann: „Að sækja sér tækifærin sjálfur“ „Fyrir mann sem er skrifblindur og lesblindur er þetta ekkert auðvelt“ „Ég verð auðveldlega meyr en segi engum frá því“ Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Sjá meira
Allir að vinna í joggingbuxum? Fjarvinna í fatalufsum Eflaust hefur fátt haft jafn mikil áhrif á fatastíl landsmanna þessa dagana og fjarvinnan að heiman síðustu daga. 24. mars 2020 07:00