Gaupi hitti Þórólf: „Finnst íþróttamenn ekki geta kvartað umfram aðra“ Ingvi Þór Sæmundsson skrifar 3. desember 2020 15:35 Mikið hefur mætt á Þórólfi Guðnasyni sóttvarnalækni undanfarna mánuði. vísir/vilhelm Guðjón Guðmundsson ræddi við Þórólf Guðnason sóttvarnalækni í dag. Hann segir að íþróttafólk búi ekki við meiri hömlur vegna kórónuveirufaraldursins en aðrir og segir rangt að Ísland sé eitt fárra landa sem banni íþróttaiðkun. „Þetta er mjög mismunandi eftir löndum. Ég er búinn að kanna hvernig þetta er á Norðurlöndunum og þetta er mjög breytilegt milli landa hvernig íþróttastarfi er háttað og hvað er bannað. Í flestum Norðurlandanna er það þannig að löndunum er skipt upp, þar sem áhættan er mikil er nánast allt íþróttastarf bannað nema atvinnumanna og æfingar líka. Þetta er bara mjög mismunandi og það er ekki rétt að segja að það sé alls staðar öðruvísi en á Íslandi,“ sagði Þórólfur. „Reglurnar eru bara ekki eins á milli landanna þannig að það er ekki hægt að segja að allir séu með sömu reglur en við með öðruvísi reglur. Þetta er breytilegt milli landa. Á mörgum Norðurlandanna, á mörgum svæðum, er bara atvinnumennska leyfð í íþróttum og annað ekki.“ Nokkuð hefur verið fundið að því að afreksíþróttir hafi verið settar undir sama hatt og almenningsíþróttir þegar kemur að takmörkunum vegna faraldursins. Veiran gerir engan greinarmun „Við erum ekkert að skipta þessu upp eftir því hvað fólk er að gera því veiran gerir engan greinarmun á hvort um afreksmenn er að ræða eða ekki. Við höfum sett nánast alla þjóðina í mjög íþyngjandi aðgerðir, þannig að það eru ekki bara íþróttir. Það hefur jafnvel verið meira íþyngjandi fyrir flesta aðra starfsemi. Ef við skoðum þetta grannt finnst mér íþróttamenn ekki geta kvartað umfram aðra,“ sagði Þórólfur. Hann sagði að samanburður á hópamyndunum sé flókinn er Gaupi spurði hann af hverju 50 manns mættu vera inni í Vínbúðinni en einn íþróttamaður ekki fara inn í íþróttahús að æfa. Besti árangur í Evrópu „Þessi samanburður er mjög erfiður. Við höfum reynt að halda matvöruverslunum opnum og þetta með áfengisverslunina kom til vegna þess hvernig hún er skilgreind. Menn hafa mismunandi skoðanir á því. En við erum ekki í þessum samanburði,,“ sagði Þórólfur. „Við biðjum alla að skilja af hverju við erum að þessum íþyngjandi aðgerðum og biðja fólk um að hafa í huga þann árangur sem við höfum náð í öll saman. Við höfum haldið faraldrinum í skefjum og náð besta árangri í Evrópu. Lægstu tölurnar eru hér. Það er út af þessum íþyngjandi aðgerðum. Ég held að menn ættu frekar að horfa á það frekar en metast á milli greina.“ Allir þurft að færa miklar fórnir Gaupi benti á að íþróttahreyfingin á Íslandi hafi sýnt ábyrgð og hugað vel að sóttvörnum í faraldrinum. „Það hafa allir sýnt þolinmæði og ég endurtek það sem ég sagði áðan: það hafa allir þurft að færa miklar fórnir. Sumir meiri fórnir en aðrir. Allir hafa sýnt mikla þolinmæði og ég held að það sé ekki sanngjarnt gagnvart mjög mörgum, eins og t.d. listamönnum sem hafa nánast ekki fengið að gera neitt, að menn séu í þeim samanburði og halda að það sé farið verr með þá en aðra. Það er ekki þannig,“ sagði Þórólfur. Erfitt að ákveða fram í tímann Hann segir ekki auðvelt að segja til um það hvenær hægt verði að aflétta æfingabanninu. „Eins og við höfum sagt er erfitt að ákveða langt fram í tímann því þetta helgast af því hvernig þessi blessaði faraldur verður. Eins og menn sáu í síðustu viku virtist stefna í að við gætum farið að aflétta, þ.á.m. á íþróttum, þannig að við erum sífellt með þessa starfsemi og aðra í huga þegar við hugsum hvort við getum aflétt og það er það sem við reynum alltaf að gera,“ sagði Þórólfur að lokum. Faraldur kórónuveiru (COVID-19) Sportpakkinn Samkomubann á Íslandi Mest lesið Íslensk landsliðskona skrifar um glímu sína við átröskun Handbolti Þurfa að sanna að þær séu konur áður en þær fá að keppa á HM Sport Trump gæti bannað Brasilíumönnum að mæta á HM í fótbolta Fótbolti Brady í Birmingham þáttum: Efaðist strax um Rooney og kallaði leikmennina lata Enski boltinn Breyttir tímar hjá Man. United: Höjlund skoraði í stórsigri Enski boltinn Hundur beit fyrrum leikmann Barcelona í punginn Fótbolti Kærastinn eltir Sveindísi Jane til Norður-Ameríku Fótbolti Of falleg saga til að vera ekki skrifuð í skýin Golf Sjáðu Messi leggja upp sigurmarkið og öskra síðan á mótherjana Fótbolti KSÍ sektar Árbæ um 250 þúsund krónur Íslenski boltinn Fleiri fréttir Fjórtán er vinsælasta númer sumarsins Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Eigendur Liverpool eyða meira í Isak en í að kaupa fótboltafélag í Madrid „Nákvæmlega það sem ég hef verið að sjá fyrir mér“ Isak æfir hjá Orra Steini og félögum Breyttir tímar hjá Man. United: Höjlund skoraði í stórsigri Of falleg saga til að vera ekki skrifuð í skýin Trump gæti bannað Brasilíumönnum að mæta á HM í fótbolta Unnu gull á HM en fengu ekki að heyra þjóðsönginn Sjáðu Messi leggja upp sigurmarkið og öskra síðan á mótherjana Íslensk landsliðskona skrifar um glímu sína við átröskun Brady í Birmingham þáttum: Efaðist strax um Rooney og kallaði leikmennina lata Þurfa að sanna að þær séu konur áður en þær fá að keppa á HM Hundur beit fyrrum leikmann Barcelona í punginn Dagskráin í dag: Risaleikir fyrir íslenskan fótbolta og Lundúnaslagur KSÍ sektar Árbæ um 250 þúsund krónur Šeško nú helsta skotmark Rauðu djöflanna Kærastinn eltir Sveindísi Jane til Norður-Ameríku ÍR aftur á toppinn „Gaman þrátt fyrir skrýtnar kringumstæður“ „Í raun eina færið sem þeir skapa sér“ Íslendingalið Brann úr leik líkt og Guðmundur sem lagði þó upp Semple til Grindavíkur Andri Fannar til Tyrklands Hin efnilega Rebekka Sif til Nordsjælland frá Gróttu Uppgjörið: Breiðablik - Lech Poznan 0-1 | Tilþrifalítið á Kópavogsvelli Sunna Rún til liðs við Íslandsmeistarana Þrettán íslenskir dómarar að dæma í Evrópu í vikunni NBA stjarna sökuð um að stela tugum milljóna frá spilavítum Ósyndar NFL-stjörnur biðja Michael Phelps um aðstoð Sjá meira
„Þetta er mjög mismunandi eftir löndum. Ég er búinn að kanna hvernig þetta er á Norðurlöndunum og þetta er mjög breytilegt milli landa hvernig íþróttastarfi er háttað og hvað er bannað. Í flestum Norðurlandanna er það þannig að löndunum er skipt upp, þar sem áhættan er mikil er nánast allt íþróttastarf bannað nema atvinnumanna og æfingar líka. Þetta er bara mjög mismunandi og það er ekki rétt að segja að það sé alls staðar öðruvísi en á Íslandi,“ sagði Þórólfur. „Reglurnar eru bara ekki eins á milli landanna þannig að það er ekki hægt að segja að allir séu með sömu reglur en við með öðruvísi reglur. Þetta er breytilegt milli landa. Á mörgum Norðurlandanna, á mörgum svæðum, er bara atvinnumennska leyfð í íþróttum og annað ekki.“ Nokkuð hefur verið fundið að því að afreksíþróttir hafi verið settar undir sama hatt og almenningsíþróttir þegar kemur að takmörkunum vegna faraldursins. Veiran gerir engan greinarmun „Við erum ekkert að skipta þessu upp eftir því hvað fólk er að gera því veiran gerir engan greinarmun á hvort um afreksmenn er að ræða eða ekki. Við höfum sett nánast alla þjóðina í mjög íþyngjandi aðgerðir, þannig að það eru ekki bara íþróttir. Það hefur jafnvel verið meira íþyngjandi fyrir flesta aðra starfsemi. Ef við skoðum þetta grannt finnst mér íþróttamenn ekki geta kvartað umfram aðra,“ sagði Þórólfur. Hann sagði að samanburður á hópamyndunum sé flókinn er Gaupi spurði hann af hverju 50 manns mættu vera inni í Vínbúðinni en einn íþróttamaður ekki fara inn í íþróttahús að æfa. Besti árangur í Evrópu „Þessi samanburður er mjög erfiður. Við höfum reynt að halda matvöruverslunum opnum og þetta með áfengisverslunina kom til vegna þess hvernig hún er skilgreind. Menn hafa mismunandi skoðanir á því. En við erum ekki í þessum samanburði,,“ sagði Þórólfur. „Við biðjum alla að skilja af hverju við erum að þessum íþyngjandi aðgerðum og biðja fólk um að hafa í huga þann árangur sem við höfum náð í öll saman. Við höfum haldið faraldrinum í skefjum og náð besta árangri í Evrópu. Lægstu tölurnar eru hér. Það er út af þessum íþyngjandi aðgerðum. Ég held að menn ættu frekar að horfa á það frekar en metast á milli greina.“ Allir þurft að færa miklar fórnir Gaupi benti á að íþróttahreyfingin á Íslandi hafi sýnt ábyrgð og hugað vel að sóttvörnum í faraldrinum. „Það hafa allir sýnt þolinmæði og ég endurtek það sem ég sagði áðan: það hafa allir þurft að færa miklar fórnir. Sumir meiri fórnir en aðrir. Allir hafa sýnt mikla þolinmæði og ég held að það sé ekki sanngjarnt gagnvart mjög mörgum, eins og t.d. listamönnum sem hafa nánast ekki fengið að gera neitt, að menn séu í þeim samanburði og halda að það sé farið verr með þá en aðra. Það er ekki þannig,“ sagði Þórólfur. Erfitt að ákveða fram í tímann Hann segir ekki auðvelt að segja til um það hvenær hægt verði að aflétta æfingabanninu. „Eins og við höfum sagt er erfitt að ákveða langt fram í tímann því þetta helgast af því hvernig þessi blessaði faraldur verður. Eins og menn sáu í síðustu viku virtist stefna í að við gætum farið að aflétta, þ.á.m. á íþróttum, þannig að við erum sífellt með þessa starfsemi og aðra í huga þegar við hugsum hvort við getum aflétt og það er það sem við reynum alltaf að gera,“ sagði Þórólfur að lokum.
Faraldur kórónuveiru (COVID-19) Sportpakkinn Samkomubann á Íslandi Mest lesið Íslensk landsliðskona skrifar um glímu sína við átröskun Handbolti Þurfa að sanna að þær séu konur áður en þær fá að keppa á HM Sport Trump gæti bannað Brasilíumönnum að mæta á HM í fótbolta Fótbolti Brady í Birmingham þáttum: Efaðist strax um Rooney og kallaði leikmennina lata Enski boltinn Breyttir tímar hjá Man. United: Höjlund skoraði í stórsigri Enski boltinn Hundur beit fyrrum leikmann Barcelona í punginn Fótbolti Kærastinn eltir Sveindísi Jane til Norður-Ameríku Fótbolti Of falleg saga til að vera ekki skrifuð í skýin Golf Sjáðu Messi leggja upp sigurmarkið og öskra síðan á mótherjana Fótbolti KSÍ sektar Árbæ um 250 þúsund krónur Íslenski boltinn Fleiri fréttir Fjórtán er vinsælasta númer sumarsins Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Eigendur Liverpool eyða meira í Isak en í að kaupa fótboltafélag í Madrid „Nákvæmlega það sem ég hef verið að sjá fyrir mér“ Isak æfir hjá Orra Steini og félögum Breyttir tímar hjá Man. United: Höjlund skoraði í stórsigri Of falleg saga til að vera ekki skrifuð í skýin Trump gæti bannað Brasilíumönnum að mæta á HM í fótbolta Unnu gull á HM en fengu ekki að heyra þjóðsönginn Sjáðu Messi leggja upp sigurmarkið og öskra síðan á mótherjana Íslensk landsliðskona skrifar um glímu sína við átröskun Brady í Birmingham þáttum: Efaðist strax um Rooney og kallaði leikmennina lata Þurfa að sanna að þær séu konur áður en þær fá að keppa á HM Hundur beit fyrrum leikmann Barcelona í punginn Dagskráin í dag: Risaleikir fyrir íslenskan fótbolta og Lundúnaslagur KSÍ sektar Árbæ um 250 þúsund krónur Šeško nú helsta skotmark Rauðu djöflanna Kærastinn eltir Sveindísi Jane til Norður-Ameríku ÍR aftur á toppinn „Gaman þrátt fyrir skrýtnar kringumstæður“ „Í raun eina færið sem þeir skapa sér“ Íslendingalið Brann úr leik líkt og Guðmundur sem lagði þó upp Semple til Grindavíkur Andri Fannar til Tyrklands Hin efnilega Rebekka Sif til Nordsjælland frá Gróttu Uppgjörið: Breiðablik - Lech Poznan 0-1 | Tilþrifalítið á Kópavogsvelli Sunna Rún til liðs við Íslandsmeistarana Þrettán íslenskir dómarar að dæma í Evrópu í vikunni NBA stjarna sökuð um að stela tugum milljóna frá spilavítum Ósyndar NFL-stjörnur biðja Michael Phelps um aðstoð Sjá meira