Rúnar tekur tímabundið við Aue vegna veikinda þjálfarans

Stephan Swat, þjálfari Aue, veiktist illa af kórónuveirunni og stýrir liðinu ekki á næstunni. Rúnar var því fenginn til að hlaupa í skarðið. Fyrsti leikur hans við stjórnvölinn er gegn Eisenach annað kvöld.

Rúnar þekkir vel til hjá Aue en hann var þjálfari liðsins á árunum 2012-16. Nokkrir Íslendingar léku þá með Aue, m.a. sonur Rúnars, Sigtryggur sem leikur nú með ÍBV.

Tveir Íslendingar eru á mála hjá Aue í dag: Arnar Birkir Hálfdánsson og Sveinbjörn Pétursson.

Rúnar var síðast þjálfari Stjörnunnar. Þá þjálfar hann U-16 ára landslið karla.