„Twitter-morðinginn“ dæmdur til dauða

Takahiro Shiraishi, kallaður „Twitter-morðinginn“ var handtekinn árið 2017 eftir að líkamshlutar fundust í íbúð hans. Hann játaði morðin í október sl.

Átta fórnarlamba Shiraishi voru konur, ein þeirra 15 ára.

Lögmenn hans sögðu fyrir dómi að horfa ætti til þess við ákvörðun refsingarinnar að fórnarlömbin hefðu verið í sjálfsvígshugleiðingum og að þau hefðu veitt samþykki fyrir því að vera myrt.

Hinn þrítugi Shiraishi fékk fórnarlömbin til að koma til sín með því að segja þeim að hann gæti aðstoðað þau við að deyja og í nokkrum tilvikum hélt hann því fram að hann hygðist einnig taka eigið líf.

BBC sagði frá.