Nostalgía: Þegar Auddi og Anna Svava tóku stelpurnar í Nylon illa

Á sínum tíma stóð Auðunn Blöndal fyrir þáttum á Stöð 2 sem nefndust Tekinn og þar fór hann oft á tíðum mjög illa með þekkta einstaklinga í falinni myndavél.

Skemmtikrafturinn Anna Svava Knútsdóttir sló rækilega í gegn í einu eftirminnilegu atriði þegar hún tók á móti stelpunum í Nylon sem áttu að koma fram í þætti hjá Hemma Gunn.

Þær voru ekki parsáttar með klæðnað sem bandið átti að vera í á sviðinu og lét Anna Svava þær heldur betur heyra það.

Þetta var rifjað upp í þættinum Nostalgía á Stöð 2 í gær en leikkonan Júlíana Sara Gunnarsdóttir er umsjónamaður þáttarins og má sjá atriðið hér að neðan.