Ásgeir og Helga trúlofuðu sig við Dynjanda

„Á Vestfjörðum á fyrri tíð - kvað fólk hringdansa á áramótum. Og eitt gamalt danskvæði hljómaði fyrir okkur Helgu við fossinn Dynjanda í dag - þar sem við sem settum upp hringa,“ skrifar Ásgeir á Facebook í kvöld og deilir danskvæðinu, ásamt mynd af þeim Helgu við klakabrynjaðan fossinn.

Ásgeir og Helga byrjuðu að stinga saman nefjum árið 2018, að því er fram kemur í viðtali Fréttablaðsins við Ásgeir sem birtist 2019. Þau eiga bæði börn úr fyrri samböndum og hafa búið saman í Laugarneshverfinu um nokkurt skeið.

Ásgeir var skipaður Seðlabankastjóri í ágúst 2019. Helga rekur Spakur Finance sem er ráðgjafarfyrirtæki á sviði fjármögnunar fyrirtækja, aðallega sprota.