Fjöl­skyldu­bingó á Stöð 2: Náðu í bingó­spjöldin hér

Hér fyrir neðan er hægt að ná í bingóspjöld. Útsendingin er í boði fyrir áskrifendur Stöðvar 2 og hvetjum við alla fjölskyldumeðlimi til að taka þátt. Fyrsti þáttur bingósins fór fram síðasta laugardag og voru hátt í þrjátíu þúsund spjöld sótt.

Bingóið er spilað hér á vefsíðunni. Til þess að fá bingóspjöld þarf að skrifa fullt nafn og slá inn símanúmer. Síðan skrá sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur.

Síðan er um að gera að fylgjast vandlega með því þegar Villi dregur út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Í þættinum verða spilaðir þrír leikir. Fyrst I-G, síðan Y og Z.

• Í leiknum I-G eru spilaðar tvær línur og þarf að fá allar tölurnar í þeim báðum til að fá bingó. 
• Í leiknum Y þarf að fá allar tölurnar sem mynda Y á spjaldinu. Þá eru allar tölurnar á spjaldinu undir. 
• Í leiknum Z þarf að fá allar tölurnar sem mynda Z á spjaldinu. Þá eru allar tölurnar á spjaldinu undir.

Vinningur í fyrsta leik er í boði ZO•ON sem gefur tvær úlpur að verðmæti alls 240 þúsund. Í öðrum leik gefur Habitat veglegt 200 þúsund króna gjafabréf. Í þriðja vinning gefur Weber á Íslandi fjögurra brennara Genesis gasgrill en á grillinu er stór og góður grillflötur. Að auki gefur Hagkaup fimmtíu þúsund króna gjafabréf. Þá eru einnig aukavinningar frá Sambíóunum.

Gangi ykkur vel og góða bingóskemmtun..