Myndbönd af vettvangi sýna hvernig björninn hljóp á eftir manninum. Þetta gerðist í bænum Predeal í Transilvaníu.
Honum tókst þó á endanum að stinga björninn af, eftir að hann kastaði bakpoka sínum frá sér. Björninn staðnæmdist til að skoða bakpokann, samkvæmt frétt héraðsmiðilsins Ziarul de Iasi.
Björninn mun svo hafa verið rekinn á brott af mönnum á snjósleðum.
Þá stóð til að leita að birninum og flytja hann á öruggari stað, ef svo þyrfti.
Árið 2019 fjölgaði árásum brúnbjarna á menn töluvert og var talið að fjöldi þeirra væri orðinn of mikill. Þá var talið að um sex þúsund birnir væru í Rúmeníu og að þeir væru hvergi fleiri í Evrópu.
Hér má sjá sjónvarpsfrétt frá Rúmeníu og myndbönd af atvikinu.
CHILLING CHASE: A bear chased a skier downhill at a mountain resort in Romania. The skier was finally able to get to safety by throwing a backpack on the ground to distract it, while rescuers on a snowmobile scared it away. https://t.co/Wna14XmTyF pic.twitter.com/aKj3uo5Wxb
— ABC News (@ABC) January 28, 2021