Tékknesku landsliðsmennirnir styðja við bakið á meintum rasista

Atvikið átti sér stað í leik Rangers og Slavia Prag í sextán liða úrslitum Evrópudeildarinnar. Skoska lögreglan og Knattspyrnusamband Evrópu er með málið til rannsóknar.

Tékkland mætir Wales í undankeppni HM 2022 í Cardiff í kvöld. Kúdela átti ekki að fara með tékkneska liðinu til Wales en breyting varð þar á. Og að sögn Vladimirs Coufal, varnarmanns West Ham, eru tékknesku landsliðsmennirnir ánægðir með að Kúdela geti spilað gegn Wales.

„Að sjálfsögðu styðja allir í tékkneska liðinu á bak við Ondrej og eru ánægðir að hann sé hér. Hann er mikilvægur hluti af hópnum. Ég get ekki tjáð mig um aðra hluti sem hafa gerst,“ sagði Coufal sem lék einnig með Kúdela hjá Slavia Prag.

„Ég held að Ondrej sé ánægður með að vera hér. Hann er mikil atvinnumaður og fyrir hann er þetta ekkert vandamál.“

Kúdela er sagður hafa kallað Kamara „helvítis apa“ þegar hann gekk upp að honum og hvíslaði að honum í leik Rangers og Slavia Prag 18. mars.

Slavia Prag bannaði Kúdela upphaflega að ferðast með tékkneska landsliðinu til Wales þar sem félagið óttaðist um öryggi hans. Þeir gáfu þó eftir á endanum og Kúdela verður með í leiknum í Cardiff í kvöld.

Kúdela, sem var 34 ára á föstudaginn, hefur leikið sex leiki fyrir tékkneska landsliðið.