Bein út­sending: Við­skipta­þing 2021

Í tilkynningu frá Viðskiptaráði segir að síðar í dag verði birt ný skýrsla um aðstæður fyrirtækja í alþjóðageiranum hér á landi. Í skýrslunni sé að finna tillögur alþjóðahóps Viðskiptaráðs um umbætur í rekstrarumhverfinu.

„Hvað getum við gert til að vaxa og skapa meiri verðmæti til framtíðar?

Um 500 milljarða króna vantar í dag upp á til að metnaðarfull markmið um útflutningsdrifinn hagvöxt sem sett voru fyrir áratug gangi eftir. Þörfin fyrir útflutningsvexti á breiðum grunni alþjóðageirans hefur sjaldan verið jafn mikil. Margt hefur þróast til betri vegar en miklu meira þarf til - við þurfum að hugsa stærra,“ segir í tilkynningunni.

Hægt verður að fylgjast með opnu vefútsendingunni í spilaranum að neðan.

Rætt er við Katrínu Jakobsdóttur, forsætisráðherra og Ara Fenger, formann Viðskiptaráðs Íslands.

Sveinn Sölvason, fjármálastjóri Össurar og formaður alþjóðahóps Viðskiptaráðs talar um brýnustu verkefnin til að efla vöxt og gera íslensk fyrirtæki hæfari í alþjóðlegri samkeppni.

Guðbjörg Heiða Guðmundsdóttir, framkvæmdastjóri Marels á Íslandi, Helgi Rúnar Óskarsson, forstjóri 66°Norður, Hilmar Veigar Pétursson, forstjóri CCP, Liv Bergþórsdóttir, forstjóri ORF Líftækni og Tanya Zharov, aðstoðarforstjóri Alvotech tala um áskoranir og sóknarfæri íslenskra fyrirtækja og setja fram óskir sínar til næstu ríkisstjórnar.“