Live verður Lifa

Frá þessu er greint í tilkynningu frá sjóðnum.

„Lifa er fyrst og fremst hugsað sem eðlileg þróun heitis sjóðsins, þar sem styttingin Live var orðin ráðandi,“ segir í tilkynningu sjóðsins.

„Lifa er fallegt íslenskt heiti með merkingu sem tengir beint við hlutverk okkar, að vera til staðar – fyrir lífstíð.“

Fram kemur að í nafninu sé nafnháttur sagnarinnar „að lifa“ gerður að sérnafni. 

Ekki er tekið fram hvort þetta nýyrði eigi að vera í kvenkyni (þf. „Lifu“) eða hvorugkyni (þf. „Lifa“) þar sem nafnið er haft í nefnifalli í alls staðar þar sem það kemur fyrir í tilkynningunni.

„Nýja nafnið endurspeglar framtíðarsýn sjóðsins og þann fjölbreytta hóp sjóðfélaga sem hann þjónar,“ segir enn fremur.

Samhliða nafnabreytingunni tekur sjóðurinn upp nýtt merki. Öll þjónusta er óbreytt.