Klara Elías: Gefur út sitt eigið þjóðhátíðarlag tileinkað íslenskum tónlistarkonum

Lagið segir hún vera „sitt eigið Þjóðhátíðarlag sem tileinkað sé íslenskum tónlistarkonum.“

Lagið Heim er hennar fyrsta lag á íslensku í meira en áratug en lagið samdi hún með vinkonu sinni og tónlistarkonunni Ölmu Guðmundsdóttir. 

Aðeins einu sinni hefur hið opinbera þjóðhátíðarlag verið samið og flutt af konu, í 84 ára sögu hátíðarinnar, og var það lagið og var það lagið Sjáumst þar eftir Röggu Gísla.

Klara segir að þó svo að lagið Heim sé ekki hið opinbera þjóðhátíðaralag þá sé það af öllu hjarta tileinkað hinu íslenska sumri, gleðinni að loksins geti allir komið saman aftur, faðmast og fagnað þessari hátíð sem þjóð.

Það er ekkert eins og ást sem að brennur á Þjóðhátíð!

Hægt er að hlusta á lagið í spilaranum hér fyrir neðan. 

Klara mætti í Brennsluna á FM957 í morgun og spjallað um lífið tilveruna og nýja lagið. 

Hægt er að hlusta á innslagið í spilaranum hér fyrir neðan.