„Við stöndum betur að vígi en meirihluti mannkyns“ Hallgerður Kolbrún E. Jónsdóttir skrifar 30. júlí 2021 22:01 Víðir Reynisson, yfirlögregluþjónn hjá Almannavörnum, segir að framhald sóttvarnaaðgerða ætti að skýrast á næstu dögum. Vísir/Vilhelm Víðir Reynisson, yfirlögregluþjónn hjá Almannavörnum, segir að fólk þurfi að sýna sóttvarnayfirvöldum biðlund. Verið sé að fylgjast með þróun fjórðu bylgjunnar hér á landi og um tíu dagar séu þar til framhald sóttvarnaaðgerða skýrist. Þetta sagði Víðir í Reykjavík Síðdegis á Bylgjunni í dag en þar fór hann vítt og breytt og ræddi meðal annars útlit helgarinnar, sóttvarnaaðgerðir og framhald bólusetninga hér á landi. Hann segist gera ráð fyrir því að fólk taki því heldur rólegar þessa helgi en útlit var fyrir fyrr í mánuðinum. „Já, ég á nú frekar von á því að menn ætli að taka því rólega. Fólk er yfir höfuð búið að átta sig á stöðunni og þeirri óvissu sem er í gangi og ætla sér væntanlega margir að taka því rólegar en planið var fyrir tveimur vikum,“ segir Víðir. Hann jánkar því að yfirvöld hafi ekki gengið jafn langt í tilmælum til fólks eins og fyrir ári síðan en hvetur fólk þó að fara varlega. „Við höfum ekki gengið svo langt að ráðleggja frá ferðalögum en hvatt fólk til að fara afskaplega varlega, vera saman í litlum hópum og vera kannski með sama fólkinu. Ekki vera að fara á milli partýja eða slíkt.“ Hann hvetur fólk til að fara varlega um helgina. „Vanda sig í umgengninni við aðra og fara varlega. Förum varlega í umferðinni líka, það er álag á heilbrigðiskerfinu og hvert slys er einu slysi of mikið. Förum varlega og verum góð hvert við annað.“ Sóttkvíarhótel á mörkunum Margir hafa líklega velt fyrir sér framhaldi sóttvarnaaðgerða hér á landi en nú er vika liðin frá því að nýjar sóttvarnaaðgerðir voru kynntar. Þá var aðeins mánuður síðan öllum takmörkunum innanlands var aflétt, í fyrsta sinn síðan um miðjan mars 2020. „Við erum bara enn í þessari gagnaöflun sem var ákveðið að fara í þegar þessar aðgerðir voru settar til 13. ágúst. Við erum bara að vinna í því öll að safna þeim gögnum sem þarf til að geta tekið ákvörðun til lengri tíma í framhaldinu. Fólk verður að sýna biðlund, svona tíu daga í viðbót,“ segir Víðir. Ástandið á sóttvarnahótelum sé mjög slæmt. „Við erum alveg á mörkunum með að geta tekið við bæði fólki í sóttkví og sérstaklega í einangrun. Það er snúni staða akkúrat núna hjá okkur með það.“ Stöndum betur að vígi en flestar þjóðir Hann segir okkur Íslendinga þó standa betur að vígi en meginþorra heimsbúa. Búið sé að bólusetja mikinn meirihluta landsmanna og nú sé bara að bíða og sjá hvernig bóluefnin haldi í við Delta-afbrigði veirunnar. „Við stöndum náttúrulega betur að vígi en meirihluti mannkyns vegna þess að við erum búin að bólusetja svo stóran hluta hjá okkur. Þetta afbrigði, sem er kallað Delta-afbrigðið, það hefur reynst hættulegra hjá flestum en aftur á móti sjáum við það hjá þeim löndum sem eru sambærileg við okkur, eins og Ísrael og að einhverju leiti í Englandi, að þar eru bóluefnin að sýna fram á það að það eru miklu færri sem veikjast alvarlega og það er það sem við erum að bíða eftir að sjáist hjá okkur,“ segir Víðir. Það ætti að skýrast á næstu tveimur vikum. „Þegar að komnir eru tíu dagar frá því að þessi bylgja byrjaði ættum við að sjá hversu alvarleg hún er og það er ekki bara fjöldi þeirra sem smitast, við erum fyrst og fremst að horfa til þeirra sem veikjast, og veikjast alvarlega.“ Huga að viðbótarskammti fyrir viðkvæma hópa Tilkynnt var á dögunum að farið verði í að bólusetja þá sem fengu Jansen með viðbótarskammti, til að auka virkni efnisins. Víðir segir í skoðun að gefa viðkvæmum hópum aukaskammt. „Við erum að byrja á því núna strax eftir helgi að fara að bólusetja þá sem fengu Jansen, þeir fá annan skammt. Það eru yfir 50 þúsund manns sem fengu það. Síðan erum við að skoða þetta að gefa viðkvæmum hópum og fólki með undirliggjandi sjúkdóma viðbótarskammt af Pfizer,“ segir Víðir. Í ágúst ættu bóluefnabirgðir hér á landi að duga til að ráðast í þetta verkefni. „Við verðum með í ágúst nægt bóluefni til að fara í þetta verkefni sem er búið að ákveða,“ segir Víðir. „Við erum búin að gera samninga um kaup á mjög miklu magni af bóluefnum því að á sínum tíma vissi enginn hver myndi geta afhent og hver yrði fyrstur og annað slíkt. Í þessu Evrópusamstarfsverkefni var gerður samningur við mjög marga aðila þannig að við eigum bóluefni fyrir allt sem við þurfum og vonandi getum við hjálpað til að bólusetja aðrar þjóðir.“ Hann segir að þrátt fyrir að verið sé að bæta við bóluefnaskammti hjá þeim sem fengu bóluefni Jansen sé efnið gott. „Jansen er gott en menn hafa ákveðið að bæta við þessum skammti til að auka virknina þannig að öll bóluefni sem við erum að nota, þau séu öll gefin í tveimur skömmtum,“ segir Víðir. Faraldur kórónuveiru (COVID-19) Ferðalög Bólusetningar Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Demókrötum kennt um og uppsögnum hótað Erlent Fleiri fréttir POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Sjá meira
Þetta sagði Víðir í Reykjavík Síðdegis á Bylgjunni í dag en þar fór hann vítt og breytt og ræddi meðal annars útlit helgarinnar, sóttvarnaaðgerðir og framhald bólusetninga hér á landi. Hann segist gera ráð fyrir því að fólk taki því heldur rólegar þessa helgi en útlit var fyrir fyrr í mánuðinum. „Já, ég á nú frekar von á því að menn ætli að taka því rólega. Fólk er yfir höfuð búið að átta sig á stöðunni og þeirri óvissu sem er í gangi og ætla sér væntanlega margir að taka því rólegar en planið var fyrir tveimur vikum,“ segir Víðir. Hann jánkar því að yfirvöld hafi ekki gengið jafn langt í tilmælum til fólks eins og fyrir ári síðan en hvetur fólk þó að fara varlega. „Við höfum ekki gengið svo langt að ráðleggja frá ferðalögum en hvatt fólk til að fara afskaplega varlega, vera saman í litlum hópum og vera kannski með sama fólkinu. Ekki vera að fara á milli partýja eða slíkt.“ Hann hvetur fólk til að fara varlega um helgina. „Vanda sig í umgengninni við aðra og fara varlega. Förum varlega í umferðinni líka, það er álag á heilbrigðiskerfinu og hvert slys er einu slysi of mikið. Förum varlega og verum góð hvert við annað.“ Sóttkvíarhótel á mörkunum Margir hafa líklega velt fyrir sér framhaldi sóttvarnaaðgerða hér á landi en nú er vika liðin frá því að nýjar sóttvarnaaðgerðir voru kynntar. Þá var aðeins mánuður síðan öllum takmörkunum innanlands var aflétt, í fyrsta sinn síðan um miðjan mars 2020. „Við erum bara enn í þessari gagnaöflun sem var ákveðið að fara í þegar þessar aðgerðir voru settar til 13. ágúst. Við erum bara að vinna í því öll að safna þeim gögnum sem þarf til að geta tekið ákvörðun til lengri tíma í framhaldinu. Fólk verður að sýna biðlund, svona tíu daga í viðbót,“ segir Víðir. Ástandið á sóttvarnahótelum sé mjög slæmt. „Við erum alveg á mörkunum með að geta tekið við bæði fólki í sóttkví og sérstaklega í einangrun. Það er snúni staða akkúrat núna hjá okkur með það.“ Stöndum betur að vígi en flestar þjóðir Hann segir okkur Íslendinga þó standa betur að vígi en meginþorra heimsbúa. Búið sé að bólusetja mikinn meirihluta landsmanna og nú sé bara að bíða og sjá hvernig bóluefnin haldi í við Delta-afbrigði veirunnar. „Við stöndum náttúrulega betur að vígi en meirihluti mannkyns vegna þess að við erum búin að bólusetja svo stóran hluta hjá okkur. Þetta afbrigði, sem er kallað Delta-afbrigðið, það hefur reynst hættulegra hjá flestum en aftur á móti sjáum við það hjá þeim löndum sem eru sambærileg við okkur, eins og Ísrael og að einhverju leiti í Englandi, að þar eru bóluefnin að sýna fram á það að það eru miklu færri sem veikjast alvarlega og það er það sem við erum að bíða eftir að sjáist hjá okkur,“ segir Víðir. Það ætti að skýrast á næstu tveimur vikum. „Þegar að komnir eru tíu dagar frá því að þessi bylgja byrjaði ættum við að sjá hversu alvarleg hún er og það er ekki bara fjöldi þeirra sem smitast, við erum fyrst og fremst að horfa til þeirra sem veikjast, og veikjast alvarlega.“ Huga að viðbótarskammti fyrir viðkvæma hópa Tilkynnt var á dögunum að farið verði í að bólusetja þá sem fengu Jansen með viðbótarskammti, til að auka virkni efnisins. Víðir segir í skoðun að gefa viðkvæmum hópum aukaskammt. „Við erum að byrja á því núna strax eftir helgi að fara að bólusetja þá sem fengu Jansen, þeir fá annan skammt. Það eru yfir 50 þúsund manns sem fengu það. Síðan erum við að skoða þetta að gefa viðkvæmum hópum og fólki með undirliggjandi sjúkdóma viðbótarskammt af Pfizer,“ segir Víðir. Í ágúst ættu bóluefnabirgðir hér á landi að duga til að ráðast í þetta verkefni. „Við verðum með í ágúst nægt bóluefni til að fara í þetta verkefni sem er búið að ákveða,“ segir Víðir. „Við erum búin að gera samninga um kaup á mjög miklu magni af bóluefnum því að á sínum tíma vissi enginn hver myndi geta afhent og hver yrði fyrstur og annað slíkt. Í þessu Evrópusamstarfsverkefni var gerður samningur við mjög marga aðila þannig að við eigum bóluefni fyrir allt sem við þurfum og vonandi getum við hjálpað til að bólusetja aðrar þjóðir.“ Hann segir að þrátt fyrir að verið sé að bæta við bóluefnaskammti hjá þeim sem fengu bóluefni Jansen sé efnið gott. „Jansen er gott en menn hafa ákveðið að bæta við þessum skammti til að auka virknina þannig að öll bóluefni sem við erum að nota, þau séu öll gefin í tveimur skömmtum,“ segir Víðir.
Faraldur kórónuveiru (COVID-19) Ferðalög Bólusetningar Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Tveir látnir og þrír alvarlega særðir eftir árás í Manchester Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Demókrötum kennt um og uppsögnum hótað Erlent Fleiri fréttir POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Sjá meira