Enski boltinn

Robertson meiddur af velli - Fimm dagar í fyrsta leik

Arnar Geir Halldórsson skrifar
Studdur af velli í dag.
Studdur af velli í dag. vísir/Getty

Varnarmaðurinn öflugi, Andrew Robertson, fór meiddur af velli í æfingaleik Liverpool og Athletic Bilbao á Anfield í dag, sex dögum fyrir fyrsta leik ensku úrvalsdeildarinnar.

Robertson virtist meiðast frekar illa á ökkla í byrjun síðari hálfleiks og var studdur af velli.

Leiknum lauk með 1-1 jafntefli þar sem Diogo Jota kom Liverpool í forystu snemma leiks en spænska liðið jafnaði snemma í síðari hálfleik.

Liverpool hefur gefið út að skoski varnarmaðurinn fari í myndatöku á morgun og ætti þá að koma í ljós hversu alvarleg meiðslin eru.

Keppni í ensku úrvalsdeildinni hefst um næstu helgi og mun Liverpool mæta nýliðum Norwich í fyrstu umferðinni næstkomandi laugardag.

Enski boltinn

Mest lesið


Fleiri fréttir

Sjá meira


×

Mest lesið