Eyddi brúðkaupsdeginum í einangrun Vésteinn Örn Pétursson skrifar 15. ágúst 2021 18:55 Vinir Árna og Írisar komu parinu á óvart með tónleikum á „brúðkaupsdaginn“ Aðsend Þau Íris Rós Ragnhildardóttir og Árni Beinteinn Árnason gátu ekki haldið draumabrúðkaupið sitt, eins og til stóð að gera í gær. Íris greindist með kórónuveiruna nokkrum dögum fyrir stóra daginn og er því reglum samkvæmt í einangrun. „Þetta voru gríðarleg vonbrigði á lokametrunum. Eiginlega eina manneskjan sem mátti ekki greinast með veiruna var brúðurin sjálf. Við vorum búin að vera lengi að undirbúa hátíðarhöldin og skipuleggja. Það var fjöldi erlendra gesta kominn til landsins til þess að fagna með okkur en svo var öllu blásið af með þriggja vikna fyrirvara,“ segir Árni í samtali við fréttastofu í dag. Íris reynir að líta á björtu hliðarnar. Hún er einkennalaus og heilsast vel. „Það skiptir mestu máli. Ég reyni að vera jákvæð og vona að við getum haldið þetta brúðkaup einhvern tímann, þó það verði eftir tíu ár. Bara að við fáum að halda það einhvern tímann,“ segir Íris af svölunum í íbúð sinni, þar sem hún tekur út sína einangrun. Þetta er í annað sinn sem heimsfaraldurinn veldur því í einhverri mynd að brúðkaupsplön parsins fara út um þúfur. Í fyrra skiptið höfðu þau skipulagt athöfn og veislu en urðu að falla frá áformum sínum þar sem samkomutakmarkanir voru svo strangar að gleðskapurinn hefði orðið heldur fámennur. Bjuggust við sorgardegi Þrátt fyrir að ekkert hafi orðið af fyrirhuguðu brúðkaupi tókst parinu engu að síður að gera sér glaðan dag, miðað við aðstæður. „Við héldum að þetta yrði mikill sorgardagur en við fengum mjög óvænta og gleðilega uppákomu. Vinir okkar, sem eru flestir að leika með mér í leiksýningunni Benedikt búálfi fjölmenntu í garðinn, tóku hljóðkerfi með sér og settu upp litla tónleika og komu mér og Írisi rækilega á óvart og gerðu þetta mjög gleðilegt og skemmtilegt,“ segir Árni. Á svölum íbúðarinnar þar sem Íris dvelst er búið að koma fyrir afar skilvirku heimsendingarkerfi, sem Íris hefur getað nýtt sér til að nálgast það sem hugurinn girnist hverju sinni, með góðri hjálp. kerfið er þó ekki ýkja flókið, og samanstendur af reipi annars vegar og körfu hins vegar, þar sem Árni og aðrir vandamenn Írisar geta sett það sem hana vantar, og hún hífir svo upp til sín á aðra hæð. Sárt að geta ekki faðmast Íris segir einangrunina taka á og að einna erfiðast sé að vera í burtu frá eins árs syni hennar og Árna. Hún hefði þá ekkert á móti smá félagsskap meðan á henni stendur. „Ljótt að segja það, en ég vildi óska þess að Árni væri með mér í einangrun, það hefði verið miklu betra,“ segir Íris og hlær. Árni tekur undir þetta. „Það er mjög sárt að geta ekki faðmað hana þegar við þurfum eiginlega mest á faðmlagi að halda,“ segir hann. Parið hefur ákveðið að fresta brúðkaupinu um dágóðan tíma. „Við héldum að þetta væri ekki séns. Þegar við skipulögðum þetta langt fram í tímann þá héldum við að takmörkunum og öðru yrði lokið á þessum tímapunkti. Núna tökum við ekki sénsinn á því að hugsa minna en ár fram í tímann og hugsum kannski um sumarið 2022. Það yrði þá í þriðja skipti, en allt er þegar þrennt er,“ segir Árni. Faraldur kórónuveiru (COVID-19) Tímamót Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Sjá meira
„Þetta voru gríðarleg vonbrigði á lokametrunum. Eiginlega eina manneskjan sem mátti ekki greinast með veiruna var brúðurin sjálf. Við vorum búin að vera lengi að undirbúa hátíðarhöldin og skipuleggja. Það var fjöldi erlendra gesta kominn til landsins til þess að fagna með okkur en svo var öllu blásið af með þriggja vikna fyrirvara,“ segir Árni í samtali við fréttastofu í dag. Íris reynir að líta á björtu hliðarnar. Hún er einkennalaus og heilsast vel. „Það skiptir mestu máli. Ég reyni að vera jákvæð og vona að við getum haldið þetta brúðkaup einhvern tímann, þó það verði eftir tíu ár. Bara að við fáum að halda það einhvern tímann,“ segir Íris af svölunum í íbúð sinni, þar sem hún tekur út sína einangrun. Þetta er í annað sinn sem heimsfaraldurinn veldur því í einhverri mynd að brúðkaupsplön parsins fara út um þúfur. Í fyrra skiptið höfðu þau skipulagt athöfn og veislu en urðu að falla frá áformum sínum þar sem samkomutakmarkanir voru svo strangar að gleðskapurinn hefði orðið heldur fámennur. Bjuggust við sorgardegi Þrátt fyrir að ekkert hafi orðið af fyrirhuguðu brúðkaupi tókst parinu engu að síður að gera sér glaðan dag, miðað við aðstæður. „Við héldum að þetta yrði mikill sorgardagur en við fengum mjög óvænta og gleðilega uppákomu. Vinir okkar, sem eru flestir að leika með mér í leiksýningunni Benedikt búálfi fjölmenntu í garðinn, tóku hljóðkerfi með sér og settu upp litla tónleika og komu mér og Írisi rækilega á óvart og gerðu þetta mjög gleðilegt og skemmtilegt,“ segir Árni. Á svölum íbúðarinnar þar sem Íris dvelst er búið að koma fyrir afar skilvirku heimsendingarkerfi, sem Íris hefur getað nýtt sér til að nálgast það sem hugurinn girnist hverju sinni, með góðri hjálp. kerfið er þó ekki ýkja flókið, og samanstendur af reipi annars vegar og körfu hins vegar, þar sem Árni og aðrir vandamenn Írisar geta sett það sem hana vantar, og hún hífir svo upp til sín á aðra hæð. Sárt að geta ekki faðmast Íris segir einangrunina taka á og að einna erfiðast sé að vera í burtu frá eins árs syni hennar og Árna. Hún hefði þá ekkert á móti smá félagsskap meðan á henni stendur. „Ljótt að segja það, en ég vildi óska þess að Árni væri með mér í einangrun, það hefði verið miklu betra,“ segir Íris og hlær. Árni tekur undir þetta. „Það er mjög sárt að geta ekki faðmað hana þegar við þurfum eiginlega mest á faðmlagi að halda,“ segir hann. Parið hefur ákveðið að fresta brúðkaupinu um dágóðan tíma. „Við héldum að þetta væri ekki séns. Þegar við skipulögðum þetta langt fram í tímann þá héldum við að takmörkunum og öðru yrði lokið á þessum tímapunkti. Núna tökum við ekki sénsinn á því að hugsa minna en ár fram í tímann og hugsum kannski um sumarið 2022. Það yrði þá í þriðja skipti, en allt er þegar þrennt er,“ segir Árni.
Faraldur kórónuveiru (COVID-19) Tímamót Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Sjá meira