Átta af níu úrvalsdeildarliðum áfram í næstu umferð enska deildarbikarsins eftir leiki kvöldsins

Norwich vann 6-0 stórsigur gegn Bournemouth þar sem að Christos Tzolis, Kenny McLean og Lukas Rupp sáu um markaskorun í fyrri hálfleik. Joshua Sargent skoraði tvö í einni hálfleik og Tzolis skoraði sitt annað mark í millitíðinni.

Atson Villa vann einnig 6-0 stórsigur í sínum leik þegar að þeir heimsóttu Barrow. Cameron Archer skoraði þrennu, Anwar El-Ghazi skoraði tvö og Frederic Guilbert eitt.

Yoane Wissa, Bryan Mbeumo og Marcus Forss sáu um markaskorun Brentford í 3-1 sigri gegn Forest Green Rovers, og Jakub Moder og Andi Zeqiri skoruðu mörkin fyrir Brighton sem vann 2-0 sigur gegn Cardiff.

Kalvin Phillips skoraði fyrsta mark Leeds gegn Crewe Alexandra og Jackk Harrison bætti við tveimur í 3-0 sigri. Öll mörk leiksins komu á seinustu tíu mínútum leiksins.

Romain Saiss, Daniel Podence, Trincao og Morgan Gibbs-White skoruðu mörk Wolves í 4-0 sigri gegn Nottingham Forest þar sem að öll mörk leiksins komu í seinni hálfleik.

Everton rétt marði sigur gegn B-deildarliði Huddersfield, en hægt er að lesa um leikinn hér.

Eina úrvalsdeildarliðið sem komst ekki áfram í kvöld var Crystal Palace, en þeir töpuðu gegn Watford, sem einnig leikur í úrvalsdeildinni. Ashley Fletcher skoraði eina mark leiksins þegar um fimm mínútur voru til leiksloka og tryggði Watford 1-0 sigur.

Þá kom Jón Daði Böðvarsson inn á sem varamaður í liði Millwall sem vann 3-1 sigur gegn Cambridge United. Jökull Andrésson stóð í marki Morecambe sem féll úr leik eftir 4-2 tap gegn Preston North End.