Gagnagrunnur um stuðning Íslands í alþjóðlegri þróunarsamvinnu formlega opnaður Heimsljós 26. ágúst 2021 14:17 Markmið gagnagrunnsins er að auka gagnsæi í alþjóðlegri þróunarsamvinnu Íslands og gefa betri yfirsýn yfir það hvernig framlagi íslenskra skattgreiðenda er varið. Vefsvæðinu www.openaid.is var formlega ýtt úr vör í dag af Guðlaugi Þór Þórðarsyni, utanríkis- og þróunarsamvinnuráðherra. Um er að ræða gagnagrunn um stuðning Íslands í alþjóðlegri þróunarsamvinnu þar sem almenningi og haghöfum gefst kostur á að rýna í opinber framlög Íslands til málaflokksins. Markmið gagnagrunnsins er að auka gagnsæi í alþjóðlegri þróunarsamvinnu Íslands og gefa betri yfirsýn yfir það hvernig framlagi íslenskra skattgreiðenda er varið. „Það er afar ánægjulægt að vera búinn að opna gagnagrunn um stuðning Íslands í alþjóðlegri þróunarsamvinnu. Með framlagi okkar til þróunarsamvinnu sýnum við ábyrgð í samfélagi þjóðanna og leggjum okkar af mörkum við að uppræta fátækt og bæta lífskjör. Um leið berum við einnig ábyrgð gagnvart íslenskum skattgreiðendum um ráðdeild og skynsemi í nýtingu opinbers fjár. Gagnsæi og ábyrgð er lögð til grundvallar meðferð slíkra fjármuna og gagnagrunnur sem þessi er mikilvægur liður í því,“ sagði Guðlaugur Þór í tilefni af opnun vefsins. Meðal þess sem hægt er að skoða á vefsvæðinu er skipting framlaga eftir málefnum, móttökuríkjum og samstarfsstofnunum, fá upplýsingar um einstaka verkefni Íslands í alþjóðlegri þróunarsamvinnu og skoða hvernig framlög skiptast eftir þverlægum markmiðum um kynjajafnrétti, mannréttindi og umhverfismál. Þá má sjá yfirlit yfir það hvernig framlög Íslands skiptast eftir heimsmarkmiðum Sameinuðu þjóðanna. Gögnin ná allt aftur til ársins 2010 og verða ný gögn birt jafnóðum og staðfestar tölur liggja fyrir. Árið 2019 námu heildarframlög Íslands til alþjóðlegar þróunarsamvinnu rúmum 7,5 milljörðum króna. Framlögin runnu til 168 verkefna í 28 löndum og voru samstarfsaðilar alls 64. Malaví og Úganda eru þau lönd sem mest af framlögunum runnu til en þau eru tvíhliða samstarfsþjóðir Íslands í þróunarsamvinnu og þar vinna íslensk stjórnvöld að mestu leyti í samstarfi við héraðsyfirvöld og stofnanir Sameinuðu þjóðanna. Openaid.is - gagnagrunnur um stuðning Íslands í alþjóðlegri þróunarsamvinnu Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Gámur fluttur án leyfis eiganda og öllu stolið úr honum Innlent Vaknaði með tíu ósvöruð símtöl og frétti svo af uppsögninni Innlent Skilur ekki hægagang dómsmálaráðuneytisins Innlent Alvarlega slasaður eftir mótorhjólaslys Innlent Tvö þúsund skora á Guðrúnu að hætta við brottvísunina Innlent Kirkjan skaðabótaskyld gagnvart Kristni Innlent „Ef þessi maður kemst út úr fangelsi mun hann drepa barnið mitt“ Innlent Kæmi mjög á óvart sigri annar flokkur en Verkamannaflokkurinn Erlent Verkamannaflokkurinn með stórsigur samkvæmt útgönguspám Erlent Kourani sjái ekki eftir neinu og eigi skilið sex til átta ár í fangelsi Innlent
Vefsvæðinu www.openaid.is var formlega ýtt úr vör í dag af Guðlaugi Þór Þórðarsyni, utanríkis- og þróunarsamvinnuráðherra. Um er að ræða gagnagrunn um stuðning Íslands í alþjóðlegri þróunarsamvinnu þar sem almenningi og haghöfum gefst kostur á að rýna í opinber framlög Íslands til málaflokksins. Markmið gagnagrunnsins er að auka gagnsæi í alþjóðlegri þróunarsamvinnu Íslands og gefa betri yfirsýn yfir það hvernig framlagi íslenskra skattgreiðenda er varið. „Það er afar ánægjulægt að vera búinn að opna gagnagrunn um stuðning Íslands í alþjóðlegri þróunarsamvinnu. Með framlagi okkar til þróunarsamvinnu sýnum við ábyrgð í samfélagi þjóðanna og leggjum okkar af mörkum við að uppræta fátækt og bæta lífskjör. Um leið berum við einnig ábyrgð gagnvart íslenskum skattgreiðendum um ráðdeild og skynsemi í nýtingu opinbers fjár. Gagnsæi og ábyrgð er lögð til grundvallar meðferð slíkra fjármuna og gagnagrunnur sem þessi er mikilvægur liður í því,“ sagði Guðlaugur Þór í tilefni af opnun vefsins. Meðal þess sem hægt er að skoða á vefsvæðinu er skipting framlaga eftir málefnum, móttökuríkjum og samstarfsstofnunum, fá upplýsingar um einstaka verkefni Íslands í alþjóðlegri þróunarsamvinnu og skoða hvernig framlög skiptast eftir þverlægum markmiðum um kynjajafnrétti, mannréttindi og umhverfismál. Þá má sjá yfirlit yfir það hvernig framlög Íslands skiptast eftir heimsmarkmiðum Sameinuðu þjóðanna. Gögnin ná allt aftur til ársins 2010 og verða ný gögn birt jafnóðum og staðfestar tölur liggja fyrir. Árið 2019 námu heildarframlög Íslands til alþjóðlegar þróunarsamvinnu rúmum 7,5 milljörðum króna. Framlögin runnu til 168 verkefna í 28 löndum og voru samstarfsaðilar alls 64. Malaví og Úganda eru þau lönd sem mest af framlögunum runnu til en þau eru tvíhliða samstarfsþjóðir Íslands í þróunarsamvinnu og þar vinna íslensk stjórnvöld að mestu leyti í samstarfi við héraðsyfirvöld og stofnanir Sameinuðu þjóðanna. Openaid.is - gagnagrunnur um stuðning Íslands í alþjóðlegri þróunarsamvinnu Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Gámur fluttur án leyfis eiganda og öllu stolið úr honum Innlent Vaknaði með tíu ósvöruð símtöl og frétti svo af uppsögninni Innlent Skilur ekki hægagang dómsmálaráðuneytisins Innlent Alvarlega slasaður eftir mótorhjólaslys Innlent Tvö þúsund skora á Guðrúnu að hætta við brottvísunina Innlent Kirkjan skaðabótaskyld gagnvart Kristni Innlent „Ef þessi maður kemst út úr fangelsi mun hann drepa barnið mitt“ Innlent Kæmi mjög á óvart sigri annar flokkur en Verkamannaflokkurinn Erlent Verkamannaflokkurinn með stórsigur samkvæmt útgönguspám Erlent Kourani sjái ekki eftir neinu og eigi skilið sex til átta ár í fangelsi Innlent