Agnar Freyr ráðinn deildarstjóri netmarkaðsmála hjá Birtingahúsinu

 Agnar starfaði áður sem netmarkaðssérfræðingur hjá VERT markaðsstofu. Þar áður starfaði hann sem markaðsstjóri Dýrheima sf.

Þetta kemur fram í tilkynningu frá Birtingarhúsinu.

Birtingahúsið var stofnað árið 2000 og veitir faglega og óháða ráðgjöf um auglýsingabirtingar, markaðssetningu og uppbyggingu auglýsingaherferða. Félagið er í nánu alþjóðlegu samstarfi við Dentsu Aegis Network, sem hefur yfir að ráða einu allra stærsta og öflugasta neti markaðs- og birtingaráðgjafar í heiminum, með starfsemi á yfir 140 markaðssvæðum. Meðal dótturfélaga DAN eru Carat, Vizeum og iProspect.

Hugi Sævarsson, framkvæmdastjóri Birtingahússins: „Agnar hefur komið öflugur inn í okkar hóp og tekur nú við meiri ábyrgð er snýr að framgangi netmarkaðssviðsins, ásamt öðru frábæru starfsfólki. Verkefnum og viðskiptavinum hefur verið að fjölga, bæði á innlendum og erlendum mörkuðum. Slíkt hefur kallað á fjölgun í starfsliði, breytta verkferla og nálganir. Stutt er síðan að Ólafur Jónsson bættist í teymið og í fyrra flutti Frosti Jónsson til Bandaríkjanna og er þar með starfsstöð sem hefur reynst okkur vel. Það eru virkilega spennandi og skemmtilegir tímar framundan.“ 

„Birtingahúsið er að vinna með mörgum af þekktustu vörumerkjum landsins og það er frábært að starfa í metnaðarfullu og hvetjandi umhverfi. Ég hlakka til að taka þátt í áframhaldandi framþróun og sóknarfærum fyrir okkar viðskiptavini. Við höfum verið að þróa og innleiða spennandi nýjungar og lausnir sem efla starf okkar viðsemjenda enn frekar, ekki síst er kemur að stafrænum þáttum markaðsmála“, segir Agnar Freyr Gunnarsson.