Slakað verður á sóttvarnarreglum þegar 85 prósent leikmanna eru bólusettir

Félögin hafa þurft að fylgja ströngum reglum síðan að deildin fór af stað á ný í júní á seinasta ári eftir að gera þurfti hlé á deildinni vegna faraldursins, bæði á æfingasvæðum liðanna, sem og á leikvöngum. 

Í seinustu viku var greint frá því að 68 prósent leikmanna deildarinnar hafi verið fullbólusettir, og að 81 prósent hafi fengið að minnsta kosti einn skammt af bóluefni. Í september gátu aðeins sjö félög í deildinni stært sig af því að yfir helmingur leikmanna liðsins væri fullbólusettur.

Áður höfðu forsvarsmenn ensku úrvalsdeildarinnar velt því fyrir sér að verðlauna félög fyrir hátt hlutfall bólusettra leikmanna.