Atvinnulíf

Ekki hrifinn af „jafnvægi heimilis og vinnu“ hugtakinu

Rakel Sveinsdóttir skrifar
Jeff Bezos og Lauren Sanchez. Þau opinberuðu samband sitt árið 2019 en voru bæði gift áður.  Hamingja og vellíðan er útgangspunkturinn sem Bezos hvetur starfsfólkið sitt, og þá ekkert síður stjórnendur, til að vinna að fremur en jafnvægi á milli heimilis og vinnu. 
Jeff Bezos og Lauren Sanchez. Þau opinberuðu samband sitt árið 2019 en voru bæði gift áður.  Hamingja og vellíðan er útgangspunkturinn sem Bezos hvetur starfsfólkið sitt, og þá ekkert síður stjórnendur, til að vinna að fremur en jafnvægi á milli heimilis og vinnu.  Vísir/Getty

Það hljómar ekkert sérstaklega vel að heyra að eiganda eins stærsta fyrirtækis í heimi, Jeff Bezos, segja að hann sé ekki hrifinn af hugtakinu „jafnvægi heimilis og vinnu.“ En hvað á hann við?

Í viðtali við Insider sagði Jeff Bezos, stofnandi Amazon, að hann væri mjög oft spurður að því hvernig hann færi að því að finna jafnvægi á milli heimilis og vinnu.

Bezos er hins vegar ekki hlynntur þeirri skilgreiningu og segist sjálfur ekki hvetja sitt starfsfólk né stjórnendur til að keppast við að finna þetta jafnvægi.

Frekar eigi fólk að stefna að vellíðan og hamingju á báðum stöðum, sem myndar þá eins konar hringrás.

Það sem Bezos meinar með þessu er:

Ef að við erum ánægð og hamingjusöm í einkalífinu, mætum við uppfull af orku og krafti til vinnu.  Og ef að við erum ánægð í vinnunni, komum við heim eldhress.

Að hans mati, er það því ákveðin ranghugmynd að hvetja fólk til að finna eitthvað jafnvægi á milli tveggja staða. 

Markmiðið snúist um vellíðan á báðum stöðum, því það sé fyrst og fremst hún sem skilar sér.

Nú hugsa eflaust einhverjir að það sé ekkert mál fyrir ríkasta mann í heimi að tala um vellíðan. Hann á nægan pening til þess að gera allt sem honum mögulega gæti dottið í hug og getur auk þess stýrt sinni vinnu öðruvísi en margir þar sem hann er fyrrum forstjóri en nú fyrst og fremst eigandi.

Hið rétta er, að þessi milljónamæringur virðist líka leggja áherslu á að byggja upp sína vellíðan með litlu hlutunum.

Sem eru ókeypis.

Til dæmis er hann þekktur fyrir að gefa sér góðan tíma í að borða morgunmat með fjölskyldunni. Þá stillir hann ekki vekjaraklukkuna á kvöldin, heldur leggur áherslu á að ná nægum svefni þannig að hann þurfi ekki á henni að halda en vakni úthvíldur þegar þarf.

Þá er Bezos sagður verja nokkrum mínútum á dag við að vaska diskana sína upp. 

Góðu ráðin

Tengdar fréttir

Jafnræði heima fyrir en ekki vitlaust að setja sér reglur og mörk

Við tölum oft um jafnvægi heimilis og vinnu, veltum fyrir okkur hvort vinnustaðir teljist fjölskylduvænir, hvort jafnræði ríki á milli kvenna og karla í uppeldis- og heimilisverkum og mikilvægi styttingu vinnuvikunnar. En hvað segja ungu foreldrarnir sjálfir sem stunda fulla vinnu, samhliða því að ala upp ung börn, byggja upp heimili, láta sig umhverfismálin varða og lifa á tímum samfélagsmiðla?

Giggstörfum fjölgar: Hafa frelsið til að velja sér lífstíl

„Nú er svo komið að mestur vöxtur er í slíkum störfum og atvinnurekendur segjast oft ekki fá fólk í ákveðin störf nema tímabundið og þeir sem gigga velja sér lífsstíl út frá verkefnum sínum,“ segir Árelía Eydís Guðmundsdóttir dósent við Viðskiptafræðideild Háskóla Íslands um þá þróun að sífellt fleira fólk kýs að starfa sjálfstætt á verktakasamningum, frekar en að ráða sig sem launþega. Árelía segir helsta gallann við giggið felast í því að fólk upplifir oft, sérstaklega í byrjun, meiri óvissu um tekjur. ,,Hins vegar sagði einn giggari í rannsókninni að „það að vera launþegi er fullkomið óöryggi.“

Þegar vandamálin heima fyrir hafa áhrif á vinnuna

Það skal enginn halda það að annað fólk fari í gegnum lífið án þess að alls kyns áskoranir geti komið upp heima fyrir. Þessar áskoranir geta verið af öllum toga og oft tekið á. Allt frá því að hafa áhyggjur af krökkunum, hjónabandinu eða hreinlega foreldrunum. Veikindi geta komið upp hjá vinum og vandamönnum, langvarandi og alvarleg eða bara að amma gamla fór í mjöðminni og þarf tímabundna hjálp.

Vinnan og áhrifin af því að sofa of lítið

Sumir trúa því að þeir þurfi minni svefn en ráðlagt er. Að það að sofa sjö til níu klukkustundir hverja nótt sé hreinlega óþarfi. Sex tímar er alveg nóg segja margir. Sumir jafnvel minna. Síðan tölum við um A og B týpur og alls konar skýringar til að rökstyðja hvers vegna við sofum minna en ráðlagt er.



Mest lesið


Fleiri fréttir

Sjá meira


×

Mest lesið