Enski boltinn

Leicester og Brentford með langþráða sigra

Hjörtur Leó Guðjónsson skrifar
Leikmenn Leicester fagna sínu þriðja marki í snjókomunni á King Power vellinum í Leicester í dag.
Leikmenn Leicester fagna sínu þriðja marki í snjókomunni á King Power vellinum í Leicester í dag. Richard Heathcote/Getty Images

Leicester og Brentford unnu langþráða sigra í ensku úrvalsdeildinni í dag. Leicester var án sigurs í deildinni í þremur leikjum í röð áður en liðið lagði Watford 4-2 í dag og Brentford hafði ekki unnið síðan 3. október, en liðið vann 1-0 sigur gegn Everton nú rétt í þessu.

James Maddison kom Leicester yfir gegn Watford á 16. mínútu áður en Joshua King jafnaði metin af vítapunktinum eftir hálftíma leik.

Jamie Vardy kom Leicester aftur í forystu fjórum mínútum síðar og hann var aftur á ferðinni stuttu fyrir hálfleik þegar hann kom heimamönnum í 3-1. James Maddison hefur verið gagnrýndur fyrir frammistöðu sína á tímabilinu, en hann lagði bæði mörk Vardy upp.

Emmanuel Dennis minnkaði muninn fyrir Watford eftir klukkutíma leik, en það var Ademola Lookman sem tryggði Leicestger 4-2 sigur þegar um tuttugu mínútur voru til leiksloka.

Leicester er nú í næiunda sæti deildarinnar með 18 stig eftir 13 leiki, fimm stigum meira en Watford sem situr í 16. sæti deildarinnar.

en

Þá skoraði Ivan Toney eina mark leiksins af vítapunktinum er Brentford vann góðan 1-0 sigur gegn Everton eftir að Andros Townsend hafði brotið á Frank Onyeka innan vítateigs.

Eftir góða byrjun á tímabilinu hefur stigasöfnun Brentford gengið illa. Þrjú stig í dag voru þó líklega vel þegin, en liðið situr í 12. sæti ensku úrvalsdeildarinnar með 16 stig, einu stigi meira en Everton sem situr tveimur sætum neðar.

Enski boltinn

Mest lesið


Fleiri fréttir

Sjá meira


×

Mest lesið