Elías á bekknum er Midtjylland missti af sæti í 32-liða úrslitum

Elías og félagar þurftu á sigri að halda til að koma sér í útsláttakepnni Evrópudeildarinnar, en fyrir leikinn var liðið í þriðja sæti F-riðils, tveimur stigum á eftir Rauðu stjörnunni sem sat í efsta sæti.

Efstu tvö lið riðilsins, Rauða stjarnan og SC Braga, mættust innbyrgðis í kvöld, og því ljóst að sigur myndi koma Midtjylland upp fyrir í það minnsta annað liðið.

Rauða Stjarnan og Braga skildu jöfn, 1-1, og því hefði eitt mark dugað Elíasi og félögum til að komast áfram.

Markið kom hins vegar ekki, og Midtjylland þarf því að gera sér þriðja sæti riðilsins, og sæti í útsláttakeppni Sambandsdeildarinnar að góðu.

Úrslit kvöldsins