Smittölurnar það fyrsta sem Willum horfir til Kolbeinn Tumi Daðason og Óttar Kolbeinsson Proppé skrifa 14. desember 2021 16:48 Willum Þór Þórsson heilbrigðisráðherra minnir á að hér á landi geti börn farið í skólann og fólk til vinnu, á meðan það lendir ekki í sóttkví. Vísir/Vilhelm Willum Þór Þórsson heilbrigðisráðherra segir hverja klukkustund skipta máli í veitingaþjónustu. Því sé horft til þess að geta lengt opnunartíma. Smittölurnar bjóði ekki upp á það sem stendur. Willum tilkynnti framlengingu á aðgerðum um tvær vikur í síðustu viku. Almennar fjöldatakmarkanir eru upp á 50 manns en með notkun hraðprófa og gríma er heimilt að halda 500 manna viðburði. Opnunartími veitingastaða er til klukkan tíu en allir þurfa að vera farnir út klukkan ellefu á kvöldin. Þá er hámarksfjöldi gesta á sund- og baðstöðum, líkamsræktarstöðvum og skíðasvæðum 75% af leyfilegum hámarksfjölda samkvæmt starfsleyfi. Willum sagði í síðustu viku að vel kæmi til greina að aflétta takmörkunum fyrr en innan tveggja vikna. Ómíkron smitin orðin fjörutíu „Við munum, og bindum vonir við að geta slakað til fyrr ef gögn benda okkur á að það sé óhætt,“ sagði Willum í síðustu viku og vísaði til rannsókna á ómíkron afbrigðinu. Hann segir stöðuna tekna á hverjum degi. „Það hefur aðeins fjölgað í smitum. Held það sé komið í fjörutíu sem hafa greinst með þetta afbrigði,“ segir Willum. Hann segir nýgengi smita frekar upp á við en haldist samt heilt yfir í horfinu. Nýgengið hafi verið jafnt í dágóðan tíma. Hann segist horfa til nýgengis smita. „Það er það fyrsta sem maður horfir til. En við fylgjumst mjög grannt með stöðunni og horfum til þess að vilja létta á. Markmiðið er að halda samfélaginu sem mest gangandi.“ Hver klukkustund í veitingaþjónustu skipti máli Willum segir að þegar hann horfi til þess að halda samfélaginu gangandi horfi hann til þess að gríðarlega mikið sé undir hjá mörgum rekstraraðilum. „Hver klukkutími í veitingaþjónustu skiptir máli. Sannarlega horfum við til slíkra hluta. Ferðaþjónustan er á þeim tíma þar sem ekki er háönn en við þurfum að horfa til allra geira.“ Hætt er að hleypa inn á veitingastaði klukkan 22 og allir þurfa að vera komnir út klukkan 23. Það gildir um Lebowski bar eins og aðra hér á landi.Vísir/Vilhelm Willum horfir nú mikið til menningarinnar og veitingaþjónustunnar. Áfram þurfi að vinna á lausnamiðaðan hátt með viðburðahöldurum án þess að taka of mikla áhættu. Á Norðurlöndum er notast við bólusetningapassa í bland við hraðpróf. „Sóttvarnalæknir hefur auðvitað horft til þessara hluta. Það er hans hlutverk, veitir okkur ráð í þeim efnum,“ segir Willum. Þórólfur Guðnason sóttvarnalæknir hefur viðrað þá hugmynd að fólk sem fái örvunarskammt verði undanþegið hraðprófum. Ein þjóð í einu landi „Ég hef verið skýr að mér hugnast ekki að skilja á milli hópa. Fólk er af mörgum ólíkum ástæðum, meðal annars læknisfræðilegum ástæðum, getur ekki þegið bólusetningar. Við þurfum að vera ein þjóð í einu landi í þessu eins og kemur að mörgu öðru.“ Hann segist ekkert geta sagt til um það núna hvort fólk geti skemmt sér lengur fram eftir yfir hátíðarnar, blásið til stórra áramótapartýja. „Við þurfum alltaf að fara varlega þegar við viljum hafa gaman. Það er dálítið að slá á væntingarnar núna það sem er að gerast í nágrannalöndum okkar. Þeir eru að herða sínar takmarkanir, meira en er hér. Við höfum látið meðalhófið ráða og haldið hlutunum gangandi, þess vegna kannski ekki þurft að bregðast jafn hart við.“ Hraðprófin hafi nýst vel til að fólk geti sótt viðburði, tónleika og fleira. En staðan sé auðvitað ekki fullkomin. „En börnin eru að fara í skólana, við erum að mæta í vinnuna. Það er helst þegar fólk mætir þeim veruleika að þurfa að fara í sóttkví. Það er íþyngjandi fyrir fólk.“ Faraldur kórónuveiru (COVID-19) Veitingastaðir Samkomubann á Íslandi Ríkisstjórn Katrínar Jakobsdóttur Mest lesið Grindvíkingum blöskrar umræðan í Vikunni Innlent Hafi tekið bílstjórann hálstaki meðan hann lá á flautunni Innlent Stórtap Air Greenland vegna aflýstra flugferða til Nuuk Erlent Nýr formaður SUS vill sækja til hægri Innlent „Draumar geta ræst“ Innlent Sektuð í gjaldfrjálsu stæði og sneri vörn í sókn Innlent Tveir á sjúkrahús eftir að bíll valt við árekstur Innlent Miður að börn fylgi foreldrum en ekki öfugt Innlent Tæplega þúsund manns innlyksa á Everest Erlent „Þetta er ekki á borði þingflokksins“ Innlent Fleiri fréttir „Draumar geta ræst“ Grindvíkingum blöskrar umræðan í Vikunni Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Sjá meira
Willum tilkynnti framlengingu á aðgerðum um tvær vikur í síðustu viku. Almennar fjöldatakmarkanir eru upp á 50 manns en með notkun hraðprófa og gríma er heimilt að halda 500 manna viðburði. Opnunartími veitingastaða er til klukkan tíu en allir þurfa að vera farnir út klukkan ellefu á kvöldin. Þá er hámarksfjöldi gesta á sund- og baðstöðum, líkamsræktarstöðvum og skíðasvæðum 75% af leyfilegum hámarksfjölda samkvæmt starfsleyfi. Willum sagði í síðustu viku að vel kæmi til greina að aflétta takmörkunum fyrr en innan tveggja vikna. Ómíkron smitin orðin fjörutíu „Við munum, og bindum vonir við að geta slakað til fyrr ef gögn benda okkur á að það sé óhætt,“ sagði Willum í síðustu viku og vísaði til rannsókna á ómíkron afbrigðinu. Hann segir stöðuna tekna á hverjum degi. „Það hefur aðeins fjölgað í smitum. Held það sé komið í fjörutíu sem hafa greinst með þetta afbrigði,“ segir Willum. Hann segir nýgengi smita frekar upp á við en haldist samt heilt yfir í horfinu. Nýgengið hafi verið jafnt í dágóðan tíma. Hann segist horfa til nýgengis smita. „Það er það fyrsta sem maður horfir til. En við fylgjumst mjög grannt með stöðunni og horfum til þess að vilja létta á. Markmiðið er að halda samfélaginu sem mest gangandi.“ Hver klukkustund í veitingaþjónustu skipti máli Willum segir að þegar hann horfi til þess að halda samfélaginu gangandi horfi hann til þess að gríðarlega mikið sé undir hjá mörgum rekstraraðilum. „Hver klukkutími í veitingaþjónustu skiptir máli. Sannarlega horfum við til slíkra hluta. Ferðaþjónustan er á þeim tíma þar sem ekki er háönn en við þurfum að horfa til allra geira.“ Hætt er að hleypa inn á veitingastaði klukkan 22 og allir þurfa að vera komnir út klukkan 23. Það gildir um Lebowski bar eins og aðra hér á landi.Vísir/Vilhelm Willum horfir nú mikið til menningarinnar og veitingaþjónustunnar. Áfram þurfi að vinna á lausnamiðaðan hátt með viðburðahöldurum án þess að taka of mikla áhættu. Á Norðurlöndum er notast við bólusetningapassa í bland við hraðpróf. „Sóttvarnalæknir hefur auðvitað horft til þessara hluta. Það er hans hlutverk, veitir okkur ráð í þeim efnum,“ segir Willum. Þórólfur Guðnason sóttvarnalæknir hefur viðrað þá hugmynd að fólk sem fái örvunarskammt verði undanþegið hraðprófum. Ein þjóð í einu landi „Ég hef verið skýr að mér hugnast ekki að skilja á milli hópa. Fólk er af mörgum ólíkum ástæðum, meðal annars læknisfræðilegum ástæðum, getur ekki þegið bólusetningar. Við þurfum að vera ein þjóð í einu landi í þessu eins og kemur að mörgu öðru.“ Hann segist ekkert geta sagt til um það núna hvort fólk geti skemmt sér lengur fram eftir yfir hátíðarnar, blásið til stórra áramótapartýja. „Við þurfum alltaf að fara varlega þegar við viljum hafa gaman. Það er dálítið að slá á væntingarnar núna það sem er að gerast í nágrannalöndum okkar. Þeir eru að herða sínar takmarkanir, meira en er hér. Við höfum látið meðalhófið ráða og haldið hlutunum gangandi, þess vegna kannski ekki þurft að bregðast jafn hart við.“ Hraðprófin hafi nýst vel til að fólk geti sótt viðburði, tónleika og fleira. En staðan sé auðvitað ekki fullkomin. „En börnin eru að fara í skólana, við erum að mæta í vinnuna. Það er helst þegar fólk mætir þeim veruleika að þurfa að fara í sóttkví. Það er íþyngjandi fyrir fólk.“
Faraldur kórónuveiru (COVID-19) Veitingastaðir Samkomubann á Íslandi Ríkisstjórn Katrínar Jakobsdóttur Mest lesið Grindvíkingum blöskrar umræðan í Vikunni Innlent Hafi tekið bílstjórann hálstaki meðan hann lá á flautunni Innlent Stórtap Air Greenland vegna aflýstra flugferða til Nuuk Erlent Nýr formaður SUS vill sækja til hægri Innlent „Draumar geta ræst“ Innlent Sektuð í gjaldfrjálsu stæði og sneri vörn í sókn Innlent Tveir á sjúkrahús eftir að bíll valt við árekstur Innlent Miður að börn fylgi foreldrum en ekki öfugt Innlent Tæplega þúsund manns innlyksa á Everest Erlent „Þetta er ekki á borði þingflokksins“ Innlent Fleiri fréttir „Draumar geta ræst“ Grindvíkingum blöskrar umræðan í Vikunni Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Sjá meira
Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum