Leik Burnley og Watford frestað

Leikur Burnley og Watford í ensku úrvalsdeildinni  átti að fara fram í kvöld. Um er að ræða sannkallaðan sex stiga leik þar sem Watford er aðeins tveimur stigum fyrir ofan Burnley sem situr í fallsæti. 

Það er ljóst að liðin munu ekki mætast í kvöld þar sem leiknum hefur verið frestað vegna kórónuveirusmita í herbúðum Watford. Ekki er víst hvenær leikurinn mun fara fram.

Veiran hefur haft mikil áhrif á ensku úrvalsdeildina undanfarna daga og hefur þurft að fresta síðustu tveimur deildarleikjum Tottenham Hotspur. Þá gat leikur Brentford og Manchester United ekki farið fram í gær.