Grealish of fullur til að komast inn á skemmtistað

Í myndbandi sem fór í dreifingu á TikTok sást Grealish á djamminu ásamt liðsfélögum sínum, Riyad Mahrez og Kyle Walker.

Grealish var í annarlegu ástandi og fékk meðal annars ekki inngöngu á skemmtistað þar sem hann var of drukkinn.

Ekki er langt síðan Pep Guardiola, knattspyrnustjóri City, refsaði Grealish fyrir að mæta ekki í nógu góðu ásigkomulagi á æfingu og leyfði honum ekkert að spila í leik gegn Newcastle United.

City keypti Grealish frá Aston Villa fyrir metverð síðasta sumar. Hann hefur leikið 24 leiki fyrir City í öllum keppnum í vetur og skorað þrjú mörk.