Fótbolti

Atletico heldur áfram að fjarlægast toppliðin eftir tap gegn botnliðinu

Arnar Geir Halldórsson skrifar
Vesen.
Vesen. vísir/getty

Atletico Madrid náði ekki að innbyrða stig þegar liðið tók á móti botnliði Levante í spænsku úrvalsdeildinni í fótbolta í kvöld.

Leikurinn var ekki beint mikið fyrir augað og fór það svo að aðeins eitt mark var skorað.

Það gerði Gonzalo Melero fyrir gestina frá Levante snemma í síðari hálfleik og tryggði liði sínu sjaldséðan sigur en Levante er langneðst í deildinni og var þetta aðeins annar sigur liðsins á tímabilinu.

Lærisveinum Diego Simeone hefur aldeilis fatast flugið að undanförnu og situr nú í 5.sæti deildarinnar, fimmtán stigum á eftir nágrönnum sínum í Real Madrid sem tróna á toppnum.

Spænski boltinn

Mest lesið


Fleiri fréttir

Sjá meira


×

Mest lesið