Tilbúin að reyna aftur við barneignir

Chrissy opnaði umræðuna á Instagram miðli sínum bæði í story og sem færslu þar sem  hún biður fólk fallega um að hætta að spyrja sig hvort að hún sé ólétt. Hún segist vera andstæðan við ólétt og að hún sé í miðju eggheimtuferli og lyfin geri kviðinn útblásinn.

„Einnig, vinsamlegast hættið að spyrja fólk, hvern sem er, hvort að það sé ólétt,“

bætir hún við. Hún segist vilja benda fólki á það hversu dónalegt og óþarft það sé að spyrja því maður viti aldrei söguna hjá viðkomandi og spurningin geti vakið upp ýmsar tilfinningar hjá viðkomandi.