Ferðast aftur í tímann til að finna ástina í nýjum raunveruleikaþætti

Til þess að fá almennilega innlifun á breska ríkisstjóratímabilið þurfa vonbiðlarnir einnig að læra að sitja á hestbaki, skylmingar og að skjóta úr bogum svo eitthvað sé nefnt. Allir í þáttunum voru klæddir í búninga daglega til þess að passa inn í tímabilið og lýsa þátttakendur upplifuninni eins og að stíga inn í Jane Austen skáldsögu.

Rick Edwards er kynnir þáttanna og Nicole Rémy er fyrsta hefðardaman sem leitar að maka við slíkar aðstæður og verður áhugavert að sjá hvernig það gengur. Sextán menn mættu til þess að reyna að vinna hjarta hennar með ástarbréfum og göngum í garðinum. Bachelor og Bridgerton þættirnir hafa vakið mikla lukku í sitthvoru lagi en það mun koma í ljós hvernig það gengur að samtvinna hugmyndirnar.