Körfubolti

Elvar stigahæstur í tapi

Hjörtur Leó Guðjónsson skrifar
Elvar Már dró vagninn fyrir Antwerp Giants í kvöld.
Elvar Már dró vagninn fyrir Antwerp Giants í kvöld. HLN.BE

Elvar Már Friðriksson var stigahæsti leikmaður Antwerp Giants með 18 stig er liðið mátti þola 14 stiga tap gegn Den Bosch í BNXT-deildinni í körfubolta í kvöld, 95-81.

Heimamenn í Den Bosch höfðu yfirhöndina allt frá upphafi og leiddu með tíu stigum þegar flautað var til hálfeiks, staðan 54-44.

Þeir juku forskot sitt svo lítillega í síðari hálfleik og unnu að lokum 14 stiga sigur, 95-81.

Elvar Már var sem fyrr segir stigahæsti leikmaður gestanna með 18 stig, en hann tók einnig fjögur fráköst og gaf sex stoðsendingar. Antwerp Giants hefur nú unnið einn leik og tapað einum í úrslitakeppni deildarinnar og situr í sjöunda sæti af tíu.

Körfubolti

Mest lesið


Fleiri fréttir

Sjá meira


×

Mest lesið