KK tók lagið í opnun Eden Yoga í kartöflugeymslunum

Eden Yoga var áður til húsa í Dugguvogi en eins og sjá má á myndunum úr opnuninni er nýja studíóið í kartöflugeymslunum rúmgott og glæsilegt enda hafa þær stöllur gott auga fyrir innanhúshönnun. Úr loftinu hanga silkimjúkar og fagurbleikar yogarólur sem hægt er að gera æfingar með eða nota sem hengirúm fyrir slökun og verður boðið upp á fjölbreytta tíma, heilun og markþjálfun hjá Eden Yoga.

Á laugardaginn var stærðarinnar opnunarpartý þar sem gestum og gangandi var boðið upp á Kombucha frá Kombucha Iceland, óáfengt freyðivín frá Töst og veitingar frá Granólabarnum. Þá lék KK nokkur góð lög fyrir gestina, sem skemmtu sér konunglega í opnunarpartýinu.

Eden Yoga er nú opið öllum og hægt er að fylgjast með þeim á @edenyogaiceland á Instagram. Nánari upplýsingar má svo finna á vef Eden Yoga. 

Í albúminu hér fyrir neðar má sjá myndir frá opnuninni. Myndirnar á viðburðinum tók ljósmyndarinn Unnur Magna.