Þitt eigið kaffihús með LatteGo frá Philips

LatteGo sjálfvirku kaffivélarnar frá Philips eru ómissandi á heimili kaffiunnenda. Það hefur sjaldan verið jafn auðvelt að græja rjúkandi heitan kaffibolla, nákvæmlega eins og þú vilt hafa hann. Hvort sem þú vilt það einfalt og svart, freyðandi latte eða sterkan espresso bolla til að koma þér í gang þá er bollinn aðeins einum smelli í burtu. Fylltu á vélina með þínum uppáhaldskaffibaunum og njóttu.

Þessar frábæru sjálfvirku kaffivélar eru útbúnar hljóðlátri keramík kvörn með 12 stillingum og því getur þú auðveldlega stillt grófleika kaffibaunanna áður en þú hellir þér upp á bolla. Aroma Extract kerfið velur svo fullkomið hitastig fyrir þitt kaffi svo þú fáir sem mest úr baununum. Svo getur þú stillt nákvæman styrkleika og magn í My Coffee Choice valmyndinni og því færðu alltaf kaffið eins og þú vilt hafa það.

Svo er einstaklega auðvelt að halda þessum vélum við! LatteGo mjólkurflóarinn er ekki með neinar slöngur eða falin hólf sem þarf að hreinsa – það er einfaldlega nóg að skola ílátið með heitu vatni í krananum eða skella því í uppþvottavél til að ná því hreinu. Svo má líka setja lekabakkann og korgskúffuna í uppþvottavél fyrir þægilegri þrif. Svo er einstaklega auðvelt að halda vélinni við, en AquaClean filterinn sér til þess að þú náir allt að 5000 bollum með hreinu vatni áður en vélin lætur þig vita að skipta þurfi um filter.