Heiðursstúkan: Hver veit mest um Bestu deildina?

Jóhann Fjalar Skaptason stýrir þættinum að venju og vel við hæfi að Besta deildin í fótbolta sé í fyrirrúmi í þætti dagsins þar sem keppni í deildinni hefst á mánudag þegar Íslandsmeistarar Víkings taka á móti FH.

Gestir þáttarins í dag eru Sæbjörn Þór Þorbergsson Steinke, fréttaritari Fótbolta.net og Hörður Snævar Jónsson, ritstjóri 433.is.

Um er að ræða vefmiðla sem sérhæfa sig í umfjöllun um fótbolta og því spennandi að sjá hvor er betur að sér um rjómann af íslenska boltanum.