Körfubolti

Þriðji sigur Tryggva og félaga í röð

Arnar Geir Halldórsson skrifar
Tryggvi Snær Hlinason.
Tryggvi Snær Hlinason. vísir/getty

Tryggvi Snær Hlinason og félagar í Zaragoza eru á góðri siglingu eftir erfitt tímabil í spænsku úrvalsdeildinni í körfubolta.

Í kvöld vann liðið sinn þriðja sigur í röð þegar þeir unnu útisigur á Rio Breogan, 82-85, í hörkuleik.

Tryggvi spilaði aðeins rúmar tólf mínútur í leiknum og skoraði þrjú stig auk þess að taka tvö fráköst.

Zaragoza var komið í fallsæti fyrir þremur umferðum síðan en hafa laglega spyrnt sér frá botninum og eru nú komnir upp í 13.sæti af átján liðum en fallbaráttan er mjög jöfn og enn eru aðeins tvö stig niður í fallsæti.

Spænski körfuboltinn

Mest lesið


Fleiri fréttir

Sjá meira


×

Mest lesið