Líklega ein besta opnun í Laxá í Mý í 10 ár

"Þetta var frábær opnun á þessu svæði, fiskurinn gríðarlega vel haldinn og aðstæður við opnun allar hinar bestu" sagði Bjarni Julíusson í samtali við Veiðivísi en hann var að koma úr Laxá í Mý eftir eftirminnilega opnun. Það var mikið af fiski og sem dæmi fengu þeir sem byrjuðu í Geirastaðaskurði 60 fiska um morguninn, Helluvað gaf 22 fiska hjá Bjarna og fjölskyldu en þeir  settu í að minnsta kosti 40 fiska.

"Neðri svæðin eru rólegri eins og venjulega og svo var líka núna en annað var allt inni. Fiskar í Flóanum, Skriðuflóa og Vörðuflóa. Það var mikið af bleikju í aflanum, venjulega er eingöngu urriði en núna var mikið og sérstaklega í Geldingaey og staðir eins Brunnshellishrólf stappað af bleikju" bætti bjarni við. Skilyrðin voru frábær en það var sól og hlýtt allann  tímann sem greinilega hefur haft góð áhrif á veiðina.