Flott opnun í Grímsá

Þegar fyrstu árnar opnuðu í sumar var pínu kvíðahnútur í veiðimönnum því þær þóttu sumar heldur rólegar. Síðustu dagar hafa þó slegið vel á þá tilfinningu þegar árnar eru að opna með góðum árangri, fínni veiði og vel höldnum laxi.

Opnunin í Grímsá var til að mynda virkilega góð en þar komu níu laxar á land á fjórar stangir og það kemur auðvitað ekki á óvart að fyrsti laxinn hafi veiðst við Laxfoss. Í heildina veiddust fjórir laxar við opnun í Laxfossi, tveir í Langadrætti, tveir í Strengjum og einn í Þingnesstrengjum.

Það er nokkuð víst að laxinn sé gengin ofar í Grímsá eða upp á dal eins og það er kallað en það svæði var ekkert veitt við opnun enda nóg um að vera á neðri svæðinum.