Glamúr og glæsileiki í fimmtugsafmæli Kristínar Ólafs

Veisluhöldin virðast hafa byrjað seinnipartinn í gær þegar gestir söfnuðust saman í húsi þeirra hjóna í hinu sögufræga Thors húsi við Fríkirkjuveg. Söngkonurnar Selma Björns og Regína Ósk skemmtu þar gestum og greinilegt að gleðin og stemmningin var algjör.

Kristín var stórglæsileg að vanda klædd hvítum síðkjól og var Björgólfur sömuleiðis hvítklæddur í stíl við afmælisbarnið. 

Meðal gesta voru Helga Thors og Björn Ólafs, Hildur Hafstein og Sigurður Ólafs, Gunnar Hansson og Hiroko, Nína Dögg og Gísli Örn, Vera Wonder og Lilja Pálma.

Á einhverjum tímapunkti voru gestirnir ferjaðir frá Fríkirkjuvegi yfir á Edition hótelið þar sem gleðin var við völd fram eftir kvöldi. 

Kristín hefur í gegnum árin starfað við kvikmynda- og dagskrárgerð og eru þau hjónin í dag búsett í London.