Ráðin að­stoðar­fram­kvæmda­stjóri Vísinda­garða

Í tilkynningu kemur fram að undanfarin ár hafi Þórey stýrt HönnunarMars, stærstu hönnunarhátíð landsins og Hönnunarverðlaunum Íslands. Bæði verkefnin eru undir hatti Miðstöðvar hönnunar- og arkitektúrs.

„Þórey hefur m.a. starfað sem framkvæmdastjóri og framleiðandi og er með víðtæka alþjóðlega reynslu af rekstri, stjórnun viðburða, leikhúsi, sjónvarpi og hátíðarrekstri. Hún hefur auk þess unnið fyrir nokkur þekkt fjölmiðla- og afþreyingar fyrirtæki í Evrópu, Suður-Ameríku, Asíu, á Norðurlöndum og í Bandaríkjunum.

Þórey útskrifaðist með MBA-gráðu frá Háskólanum í Reykjavík árið 2019. Hún tekur til starfa hjá Vísindagörðum 15. október nk.,“ segir í tilkynningunni.

Háskóli Íslands stofnaði Vísindagarða Háskóla Íslands ehf. árið 2004. Félagið starfar í þágu almenningsheilla og eru tveir eigendur; Háskóli Íslands (94,6%) og Reykjavíkurborg (5,4%). Tilgangur félagsins er að efla vísindarannsóknir og nýsköpun með því að skapa kjöraðstæður til slíks á lóð Háskóla Íslands. Markmiðið með Vísindagörðum er að gefa fleiri fyrirtækjum og stofnunum kost á að staðsetja sig í háskólaumhverfi þar sem samlegðaráhrif atvinnulífs og rannsóknastofnana fá að njóta sín.