Kim Kardashian og Ivanka Trump ræddu málin

Elísabet Hanna skrifar 25. október 2022 20:00

Birta Líf ræddi meðal annars kvöldverðinn sem athafnakonurnar Kim Kardashian og Ivanka Trump fóru í. Getty/Gotham/Craig Barritt

Athafnakonurnar Kim Kardashian og Ivanka Trump fóru tvær saman út að borða um helgina á Beverly Hills Hotel. Samkvæmt vitnum sátu þær í þrjár klukkustundir að spjalla saman.

„Ivanka Trump er náttúrulega gyðingur og þær voru í þrjá tíma úti að borða. Spurningin er, voru þær eitthvað að ræða þetta eða er hún að reyna að fá Ivönku til þess að tala við pabba sinn, svo að pabbi sinn geti talað við Kanye?“ Veltir Birta Líf fyrir sér í Brennsluteinu. Kanye West og Donald Trump eru miklir mátar.

Kanye byrjaði að ausa svívirðingum yfir gyðinga á samfélagsmiðlum í byrjun mánaðarins. Twitter- og Instagram reikningar hans liggja nú niðri vegna brota hans á notendaskilmálum þeirra. Adidas hefur slitið samstarfi við rapparann og umboðsskrifstofan hans CAA er hætt að sjá um hans mál.

Samkvæmt TMZ heyrði kúnni á veitingastaðnum samtal kvennanna. Kúnninn segir Kim hafa lýst yfir áhyggjum sínum af ummælum Kanye. Hún óttist það að börnin þeirra heyri af því hvað hann sagði.

Hollywood-spekingurinn Birta Líf Ólafsdóttir fer alltaf yfir það helsta í Hollywood í Brennslute vikunnar á þriðjudögum. Í dag ræddi hún einnig fíkn leikarans Matthew Perry og meint framhjáhald Travis Scott.

Brennslan FM957 Hollywood

Tengdar fréttir

Heitustu trendin: Crocs skór, fallhlífarbuxur og bensínstöðvarsólgleraugu

Áreynslulaust og afslappað virðast vera einkennisorð tískunnar um þessar mundir, ef marka má tískudrottningarnar Sunnevu Einarsdóttur og Birtu Líf Ólafsdóttur. Fallhlífabuxur, blazer jakkar af kærastanum og sólgleraugu keypt á bensínstöð eru á meðal þess sem stelpurnar spá að verði heitt á næstunni.

25. október 2022 07:00

Svarar fyrir sögusagnir um nýtt samband

Ljósmynd af leikaranum Michele Morrone og raunveruleikastjörnunni Khloé Kardashian hefur skapað mikið umtal síðustu daga. Stjörnurnar voru myndaðar saman eftir tískusýningu Dolce and Gabbana í Mílanó.

27. september 2022 13:31

Vinir Cöru Delevingne hafa miklar áhyggjur af heilsu hennar

Heilsa fyrirsætunnar Cöru Delevingne hefur verið mikið í umræðunni vestanhafs og virðast vinir hennar hafa miklar áhyggjur. Leikkonan Margot Robbie sást meðal annars koma grátandi út af heimili Cöru sama dag og fyrirsætan átti að vera á viðburði sem hún mætti ekki á.

20. september 2022 17:32

Gigi Hadid gæti orðið elsta kærastan til þessa

Sá orðrómur er nú á kreiki vestanhafs að stórleikarinn Leonardo Dicaprio sé að slá sér upp með ofurfyrirsætunni Gigi Hadid, aðeins nokkrum vikum eftir að greint var frá sambandsslitum Dicaprio og leikkonunnar Camillu Morrone.

6. september 2022 15:31