Tilþrifin: Xeny vinnur lotuna einn á móti fjórum

Hjörtur Leó Guðjónsson skrifar 9. nóvember 2022 10:44

Xeny sýndi frábær tilþrif í liði Viðstöðu í gær.

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það xeny í liði Viðstöðu sem á heiðurinn af tilþrifum kvöldsins.

Xeny sýndi tilþrifin snemma í leiknum þega Viðstöðu og LAVA áttust við í fyrstu viðureign níundu umferðar Ljósleiðaradeildarinnar í gær.

Staðan var 3-0, LAVA í vil, og leit út fyrir að liðið myndi auka forskot sitt. Xeny var einn eftir á móti fjórum meplimum LAVA, en tók út þrjá liðsmenn andstæðinganna áður en hann kom sprengjunni fyrir á sprengjusvæði A í kortinu Inferno.

Til að vera alveg viss um að lotan væri þeirra tók xeny einnig út fjórða og seinasta meðlim LAVA áður en tíminn rann út og minnkaði þar með muninn niður í 3-1. Þrátt fyrir þessi frábæru tilþrif xeny þurftu liðsmenn Viðstöðu þó að sætta sig við nokkuð sannfærandi tap, 16-8, en tilþrifin má sjá í spilaranum hér fyrir neðan.

Klippa: Elko tilþrifin: Xeny vinnur lotuna einn á móti fjórum

Rafíþróttir Ljósleiðaradeildin