Vík­verjar komust ekki í jóla­matinn fyrr en á ellefta tímanum

Greinilegt er að færð hefur spillst í nágrenni Víkur á sjálfu aðfangadagskvöldi jóla enda voru um fimmtíu bílar í vandræðum á og við Reynisfjall við Gatnabrún, við Hjörleifshöfða og austan Víkur við Múlakvísl í gærkvöldi.

Í tilkynningu frá Landsbjörgu segir að björgunarsveitarfólk hafi unnið í því allt aðfangadagskvöld að losa bíla og fylgja þeim til Víkur. Aðgerðum lauk ekki fyrr en á ellefta tímanum og gat björgunarsveitarfólk þá loksins sest til borðs og notið jólamatarins.