Atvinnulíf

Merkilegur andskoti hvað klukkan verður fljótt fimm

Rakel Sveinsdóttir skrifar
Þorvaldur Bjarni Þorvaldsson sviðstjóri tónlistarsviðs Menningarfélags Akureyrar, framkvæmdastjóri Sinfonia Nord/Sinfóníuhljómsveitar Norðurlands, tónskáld og gítarleikari segir það merkilegan andskota að klukkan er alltaf orðin fimm áður en hann nær að segja Jó halló eða gúggúlúgú á daginn. Svo hratt líður dagurinn.
Þorvaldur Bjarni Þorvaldsson sviðstjóri tónlistarsviðs Menningarfélags Akureyrar, framkvæmdastjóri Sinfonia Nord/Sinfóníuhljómsveitar Norðurlands, tónskáld og gítarleikari segir það merkilegan andskota að klukkan er alltaf orðin fimm áður en hann nær að segja Jó halló eða gúggúlúgú á daginn. Svo hratt líður dagurinn.

Þorvaldur Bjarni Þorvaldsson sviðstjóri tónlistarsviðs Menningarfélags Akureyrar, framkvæmdastjóri Sinfonia Nord/Sinfóníuhljómsveitar Norðurlands, tónskáld og gítarleikari leggur mikinn metnað í matargerð svo ekki sé meira sagt. Þar dugir ekkert minna en tveggja til þriggja tíma matargerð, allt gert frá grunni.

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Stundum klukkan fimm, oftar klukkan átta og stundum klukkan tíu. Get ekki sofið út og finnst ég ekki þurfa það. En elska að sofa samt.“

Hvað er það fyrsta sem þú gerir á morgnana?

„Vökva mig með sódavatni og nýlöguðu kaffi og tek nokkrar léttar teygjur. Nýt kaffisins meðan ég les tölvupósta og tékka á fréttum.

Svo bara byrjar ballið, annaðhvort í skrifstofuvinnu eða tónlistarsköpun og klukkan alltaf orðin fimm áður en þú nærð að segja Jó halló eða gúggúlúgú. Merkilegur andskoti. 

Þá tekur venjulega við tveggja til þriggja tíma metnaðarfull matargerð....allt frá grunni. 

Tek svo venjulega einn til tvo tíma til að loka vinnu dagsins.“

Hvaða sjónvarpsefni manstu eftir úr æsku sem þér fannst mjög mikilvægt að fylgjast spenntur með?

„FFH á RÚV. Geimverurnar voru bláar í svarthvítu. Sjóhverfingarnar svakalega kúl, geimskipin sennilega búin til úr pappa. Sterkasta sjónvarpsminning mín by far.“

Geimverurnar virtust bláar að lit í svarthvíta sjónvarpinu sem Þorvaldur horfði á þegar hann var lítill. Í skipulagi notar hann Now og gerir það sem er beint fyrir framan hann hverju sinni. Það hentar honum best að vera alltaf að en samt hagar hann sér alltaf eins og hann sé í geggjuðu sumarfríi.

Í hvaða verkefni ertu að vinna helst í þessa dagana?

„Var að klára frumsýningatarnir söngleikjanna Chicago þar sem ég er tónlistarstjóri og Draumaþjófurinn sem ég er höfundur af. Sit nú við að skipuleggja dagskrá Sinfóníunnar í Hofi fyrir 2023-2024 og er í samningaviðræðum við Hollywood Scoring LA varðandi upptökur á barnakór fyrir bandaríska kvikmynd. Verður hljóðritað 1. apríl ef samningar nást.

Svo klára ég Draumaþjófs breiðskífuna í hjáverkum og um helgar. Lögin byrjuð að dælast inn á veiturnar en breiðskífan með leiklestri Gunnars Helgasonar og öllum lögunum kemur út rétt fyrir páska.“

Hvernig skipuleggur þú þig í vinnu?

Nota WIN – what is most important NOW. 

Geri það sem er beint fyrir framan mig núna. 

Mér hentar vel að vera alltaf að en haga mér samt alltaf eins og ég sé í geggjuðu sumarfríi. Þess vegna er aldrei slakað á kröfunum í matargerðinni. Þar er mitt „sen.““

Hvenær ferðu að sofa á kvöldin?

„Ef ég er ekki að spila eða á kvöldæfingum milli klukkan ellefu og hálf tvö.“

Kaffispjallið Menning

Tengdar fréttir

Finnst gott að brjóta saman sokka eftir erfiðan dag

Ásgeir Kolbeinsson, framkvæmdastjóri, markaðsstjóri, mannauðsstjóri, stjórnarformaður, hugmyndasmiður, dagskrárgerðarmaður, fjárfestir og þáttastjórnandi segir líklega einfaldast að súmmera öll stöðugildin sín í orðið athafnamaður. Þótt honum finnist það svo sem ekki spennandi nafngift. Ásgeir er með mörg járn í eldinum, meðal annars spennandi podcast þátt með fleira fólki, sem hann segir fara í loftið fljótlega.

Eiginmaðurinn vakinn af snjallúri á meðan frúin sefur með eyrnatappa

Inga Lind Karlsdóttir, framleiðandi og fjölmiðlakona, náttúruverndarsinni, ræðismaður Spánar og verðandi amma, uppgötvaði eyrnatappa á næturnar fyrir ekkert svo löngu síðan. Og segir þá snilld. Inga byrjar daginn í tennis og bíður spennt eftir því að verða bráðum amma.

Missir kúlið yfir Notebook og dreginn í morgunhugleiðslu með kærustunni

Þær eru ólíkar vikurnar hjá Guðmundi Guðmundssyni, framkvæmdastjóra Akademias, markaðsstjóri Hoobla og hluteigandi í báðum félögum. Því í pabbavikum dugir ekkert minna en fimm stjörnu þjónusta á morgnana, á meðan kærastan platar hann í morgunhugleiðslu hinar vikurnar. Sem Guðmundur viðurkennir reyndar í dag að sé mikið galdratæki.

Með tíu til fimmtán glugga opna í einu í Chrome og tólf Word skjöl

Það er ekki nóg með að Ragnhildur Þórðardóttir, eða Ragga Nagli eins og við þekkjum hana, beri marga hatta á höfði: Er sálfræðingur í Kaupmannahöfn, pistlahöfundur, rithöfundur, fyrirlesari, hlaðvarpari og almennur heilsunöldrari að hennar sögn. Ragga viðurkennir að vera mjög kaótísk í skipulagi. Svo ekki sé meira sagt. 



Mest lesið


Fleiri fréttir

Sjá meira


×

Mest lesið